Raising Sand

Eguberri on denoi, hasteko.

Gaur disko bat proposatu nahi dizuet. 2007an argitaratu bazen ere, 2009ko Grammy sarietan jaun eta jabe izan zen. Batetik, Robert Plant, Led Zeppelin taldeko kantari mitikoa entzungo duzue. Bestetik, niretzat ezezaguna den kantari handi bat, Alison Krauss, bluegrass estiloan handienetakoa omen dena. Eta hirugarrenik, T Bone Burnett gitarrajolea eta ekoizlea (Kakik asko miresten duen artista).

Autoa hartu, CDa jarri eta noraezean ibiltzeko disko ederra: "Killing the blues" abestia, triste jarri nahi dugunerako; "Gone gone gone" dantzan eroen moduan aritzeko.

Spotifyn duzue entzungai (ze ona, inbentoa).

Autokarabana

Aupa lagunok! Atrebentzia handia ez bada, gaur liburu bat aholkatu nahi nizueke.
Fermin Etxegoienen "Autokarabana". Duela hilabete edo, Egunkariaren aldeko elkarretaratze batean parte hartzera deituak izan ginen musikariak. Han azaldu ginen, Donostiako bulebarrean.

Eminentzia denen artean, Gorka Urbizu eta bere arreba ikusi eta euren ondoan jarri nintzen. Hara sorpresa, Gorkak niretzat liburu bat ekarri zuela oparitan esan zidanean. Aholkatzen dizuedan hauxe. Egilea Berriako kolaboratzailea da, Argian idazten du ere, Gazteako esataria...
Oso gustura irakurri dut. Abiada bizian. Autokritika eta umorea, osagai nagusiak. Seriotasunaren lurralde santu honetan, zinez eskertzekoa.

Gutuna oraindik ez baduzue egin, Olentzerori eskatu. Garaiz zabiltzate!

Seguru al zaudete?

Seguru al zaudete? Igandekoa aurrera al doa? Eta zuen seme-alabek ba al dakite? Eta zer diote? Penarik ez? Eguberrietan gaudenez, ez al diozue bizitza barkatuko arkume gaixoari? Hain bihotz gabeak ez zarete izango, ezta?

Meskaleroak Sound System

Disko jartzaileak, prest dagoeneko? Gutxi falta da eta... atzo jakin genuen zuek ere taulagainean aritu behar duzuela. Dantzariak ere ba al datoz? Beyonceri edota Laurari esan, ziur animatuko direla!



Abenduak 12 larunbata 22:30 Andoain Gaztetxea
deabruak teilatuetan + meskaleroak sound system

DESORDUTAN

EROMENA ZOR DIZUT....
DISKA BERRIAREN AURKEZPENA
AZAROAK 27 OSTIRALA
22:30 BONBERENEAN

Babarrun Astean, garagardo festa

Babarrun Astea. Larunbata. Giroa pil-pilean Tolosan. Gaueko 21:30ean, Mescalen lau katu. Jendea festa giroan Alde Zaharrean. Gu, ordea, beti kontra. Babarrun festan, garagardoa goratzeko plana egin genuen. Esteban Alemaniako garagardo azokan izan zen irailean. Handik ekarritako 5 litroko kupela batekin azaldu ziren Esteban bera eta Maria. Toxic Twins, aldiz, txerriki ugarirekin, urdaiazpikoa, txorizoa...
Mescalen zeuden lagun batzuk ere animatu ziren azken orduan, eta hortxe mahaia jaso ondorengo erretratua. Ezer ez eta festa!
Jaia borobiltzeko, Alaiaren alaia bota genuen faltan. Osatuko zen honez gero, ezta?

Haizea garizumakoa

Kaixo adiskideok.

Tabernan bakarrik eta gustora ez naiz ba askotan egoten, baina gaurkoan bai. Ruperren azken diska "Haizea garizumakoa" ari naiz dastazen. Ederra. Brooklyn aldean izan da disko hau grabatzen, gure adiskide Crazy Cymbalen iritziz musikari bikainekin. Estatu batuar hauek Meskalen izanak dira .Aurreko diskaren bat grabatzen Azkareten izan ziren eta handik inguratu ziren gurera.

Halere orain galdera bat datorkit burura: Brooklyngo zaratatik Balerdi azpiko herri lasai (tabernarik ez duen eta ezagutzen ditudan herri bakarrenetarikoa da Azkarate) honetara iritsitakoan zer pentsatu ote zuten?

Aio.

ETORKIZUNEKO MESKALEROAK?

PAULINA RUBIO ETA COTI ?
AMAIA MONTERO ETA MIKEL ERENTXUN ?

EZ!!!!

ETORKIZUNEKO MESKALEROAK!!!

BONNIE eta CLYDE bezala ez dute bukatuko behintzat....

Garagardo festa gurean

Non izango den, esan beharrik ez da. Larunbatean 21:00ak aldera elkartuko garela esatearekin nahikoa da, ezta? Guretzat izan arren, besteren bat ere animatzen bada ongi etorria izango da, baina Meskaleroak elkartzeko aitzakia moduan antolatu dugu. Estebanek garagardoa, Toxic Twinsekoak jatekoa, zer gehiago behar da?

Ah! Argazkia ez da Bermeoko ongi etorrikoa. Ez da Esteban zapiaren azpian babesten dena... Sarean aurkitu dudan argazki horietakoa baizik...

LEIDOR SESSIONS BASTERO

TOXIC TWIN

CRAZY CYMBAL

FRAN ETA BERE AURA

TOXIC DYLAN

La Tierra está Sorda

091212, the final show!!

Nire sarrerak?

Aste honetan zehar Bide Ertzeanekoek egitekoa zuten biratxoaz idatzi nizuen asteazkenean. Ostiralean joaterik ez eta gogoz geratu nintzenez atzo Bergarara joango nintzela esan nion taldekide despistatuenari; baietz joateko berak, utziko zizkidala sarrera pare bat takilan nire izenean.

Egun guztian jasan genuen eguratsa medio joan edo ez zalantza izan nuen azken ordurarte. Iluntzeko 9ak pasatxo zirenean baina autoa hartu eta Bergara bidean nintzen. Deskarga mendateak lehengoan dirau, ilun eta oker. Baina atzo busti ere bai.

Berez aparkatu ezin den lekuan utzi autoa eta takilara zuzendu nintzen. Taldekide despistatuak niretzat utzi dituen sarrerengatik galdegin eta jaso nuen erantzunak ez ninduen harritu. Ahaztu egin zitzaiola alegia. Egia esate aldera gehiago arrituko ninduen uzteaz gogoratu izan balitz. Tira sarrera erosi (goian ageri dena da) eta barnera.

Kotzertua amaitu eta lehenengo gauza ba al dakizue zer esan zidan: "Gaurkoan ere sarrerak ahaztu zaizkidak!".

Tolosara eta Meskalera bueltan ginela nahikoa barre egin genuen sarreren kontura. Esan nien hiru kontzertutatik bitan izan naizela eta bietan ordainduta, eta izan dela bakarrera joan denik eta gonbidatuta. Berdin da batzutan hurrunera joateak eta ordaintzek merezi du.

Aupa zuek.

P.D. Taldekide despistatu hori lasai. Garagardoak ordaintzeaz ez haiz ahazten eta hori ere garrantzitsua duk.

'Egunkaria libre!' aldarrikatu dute musikariek Donostian


Ruper Ordorika, Benito Lertxundi, Aitor Gorosabel, Xabi Bastida, Andoni Tolosa 'Morau', Rafa Rueda, Mikel Kazalis, Txuma Murugarren, Harkaitz Martinez de San Vicente, Igor Otxoa, Jexux Mari Lopetegi, Imanol Ubeda, Gorka Urbizu eta beste hainbat batu dira gaur 'Egunkaria' auziaren kontrako elkarretaratzean, Bulebarrean. Aste batzuk barru espero dute epaiketa hastea, eta bost auzipetu daude.

Ruper Ordorika, Benito Lertxundi, Aitor Gorosabel eta Xabi Bastida (Su Ta Gar), Andoni Tolosa Morau, Rafa Rueda, Olatz Zugasti, Mikel Kazalis (Anestesia), Txuma Murugarren, Harkaitz Martinez de San Vicente eta Igor Otxoa (Oreka Tx), Jexux Mari Lopetegi, Imanol Ubeda (Bide Ertzean), Gorka Urbizu (Berri Txarrak), Mikel Moreno (Kauta), Aritz Sound System, Anjel Valdes (Elkar diskoetxea), Ubane Uzin eta Jose Felix Azkarate Xarra (Gaztelupeko Hotsak diskoetxea), Ritxi Aizpuru (Baga-Biga diskoetxea) eta beste hainbat izan dira gaur Donostian, Egunkaria-ren epaiketaren aurkako elkarretaratzean.

Egunkaria libre! lelopean egin dute bilkura, Bulebarrean, 12:00etatik aurrera. Auzipetuak ere bertan izan dira, baita beste hainbat lagun ere; tartean, Iñaki Uria, Martxelo Otamendi eta Joan Mari Torrealdai auzipetuak. Joanmari Larrarte EKTko kontseilari ordezkaria ere han zen.Azkeneko asteetan euskal zinemako hainbat lagunek, kirolariek, politikariek, bertsolariek, idazleek eta argitaletxeetako ordezkariek egin dituzte auziaren kontrako elkarretaratzeak.
Bost auzipetu
Egunkaria auzian kazetaren itxierari buruzko epaiketa aste batzuk barru hastea espero dute, Espainiako Auzitegi Nazionalean, eta Joan Mari Torrealdai, Iñaki Uria, Martxelo Otamendi, Txema Auzmendi eta Xabier Oleaga daude auzipetuta, ETAko kide izatea egotzita. Fiskalak, defentsak bezala, auzia ixteko eskatu zuen. Epaiketaren hasiera eguna jartzeke dago oraindik.
Joan Mari Torrealdai. 14 urteko espetxealdia eta 15 urteko inhabilitazioa eskatu dute haren aurka.
Iñaki Uria. 14 urteko espetxealdia eta 15 urteko inhabilitazioa.
Txema Auzmendi. 14 urteko espetxealdia eta 15 urteko inhabilitazioa.
Martxelo Otamendi. 14 urteko espetxealdia eta 15 urteko inhabilitazioa.
Xabier Oleaga. 12 urteko espetxealdia eta 14 urteko inhabilitazioa (14 urte, AVTren eskaeran).

Egunkaria-ko langile izandakoak epaiketa prestatzen dabiltza, gizartea mobilizatzeko. Herri batzordeak sustatzen ari dira, epaiketarako dirua biltzen, mobilizazioak antolatzen...

2003ko otsailaren 20an itxi zuten 'Egunkaria'
2003ko otsailaren 20an, Juan del Olmo Espainiako Auzitegi Nazionaleko epailearen aginduz, Guardia Zibilak Egunkaria euskarazko egunkariaren egoitzak itxi eta hamar lagun atxilotu zituen: Joan Mari Torrealdai, Iñaki Uria, Txema Auzmendi, Martxelo Otamendi, Pello Zubiria, Xabier Oleaga, Xabier Alegria, Fermin Lazkano, Luis Goia (2006an hil zen), eta Inma Gomila.

Uriak, Oleagak, Otamendik, Alegriak eta Auzmendik torturak eta tratu txarrak jaso zituztela salatu zuten epailearen aurrean. Seiek jarri zuten salaketa, eta guztiak artxibatuta daude.
© berria.info

Aupa joni!

Astearte gauez Bilbo aldera joan ginen Bide Ertzean ikustera taberna itxita zegoela eta gure etxekoandreak jai zuela probestuz. Inoiz izan gabea nintzen Kafe Antzokian gustatu zitzaidan aretoa eta bertan zegoen giroa.
Antzokira sartu eta berehala Kakirekin egin genuen topo, elkar agurtu, eta abixatu zidan kontzertuaren nondik narakoaz: "Estudioan entseatu ditek atzo eta gaur eta kañero zetozek" bota zuen; baita asmatu ere.
Zein da bidea izan zen lehen kantua, Jonik egin beharreko soloaren zatia iritsi zenean Imak "aupa Joni" bota zion (Bide Ertzeanen jarraitzaile garenok badakigu ohiko oihua dela hau nahiz eta DVDan ez esan) eta sumatu nuen egurra emango zutela. Esan eta izan, sekulako astindua izan zen. Karlosek astidu zuen bai bere Pearl bateria. Gero esan zigun erdi gaixorik zegoela baina hura zen hura jo beharra!
Kontzertua amaitu, adiskideak agurtu eta diskak sinatu ta sinatu utzi genituen taldekideak.
Asteburu honetan Andoain eta Bergarara gerturatzen zaretenok prestatu Leideor Sessionsetik desberdin baina eder izango den kontzertu bat ikusteko.

Norah Jones

Egunotan entzuten ari naizen artista da. Azaroaren 17an kaleratuko du The Fall azken lana, eta El País-en webgunean (http://www.elpais.com/especial/norah-jones/) abesti guztiak osorik entzuteko aukera dago —ez dakit noiz arte—, Ez da asko entzun dudan artista, baina azken lan honekin berriro harengana hurbiltzen hasi naiz. Entzun ezazue eta hitz egingo dugu.
www.norahjones.com webgunetik The Fall-en abesti bat jaitsi daiteke Chasing pirates hain zuzen ere. Abesti egokia Bermeo inguruetan entzuteko.

Daiquiri blues

Aurreko batean aipatzen nuen nola Vetusta Morla ikusten izan ginela gutako hiru. Kontzeruak merezi izan zuela ere bai, baina gaurkoan Donostiatik etxerakoan gertaturikoa azaldu nahiko nuke.

Normalean Kontzertu baten ondoren, ikusi berri dugun taldea izten dugu mintzagai. Taldea zein taldekideak. Jotzeko era, jarrera... Ostegunean ordea itzulerakoan gutxi hitzegin genuen Vetusta Morlataz. Quique Gonzalez izan genuen aipagai, izan ere asteon eman du argitara Daiquiri Blues bere azken lana.

Autoan hiru Quiquezale amorratu elkartu ginen. CD erosi berria musika aparailuan, ez genuen deus gehiago behar.

"Niretzat bigarren kantua duk onena", "Niretzat hamaikagarrena", "Ba niretzat Quiqueren diskorik bikainena", "Nik hori esateko berriro entzun beharko nikek" horrela egin genuen itzulerakoa.

Ostegunaz geroztik eginak dituk makina bat kilometro autoan eta Daiquiri Blues izan dut bidaide beraz pasa ditugu hamaika ordu elkarrekin eta esateko moduan nago zoragarriak direla abestiak osotasunean, hitzak satiraz beteak eta soinua apartekoa.

Zuen iritziaren zain... Aio.

Vetusta Morla

Atzo iluntzean Donostiako Victoria Eugenia antzokian izan ginen Win, Goiburu eta hiruok. Gustora ikusi genuen egun Espainia aldean nabarmentzen ari den Vetusta Morla talde madrildarra. Jendea gustora, taldekideak dena emanez... giro polita sortu zen. Kontzertuaren amaieran, baina ,bisen garaian, sekulako sorpresa eskaini ziguten taldeko abeslariak eta gitarrajoleak izan ere eskenatokiaren ertzera gerturatu eta kitarra akustiko eta ahots soilez, mikrorik eta anplifikadorerik gabe abesti bat eskaini ziguten era oso soilean. 13 arrosa gorriak gogorarazten zidan.
Hau dena ikusita galdera bat etorri zitzaidan burura; Leidor Sessions ikusi ote dute Vetustakoek?

Dock Of The Bay 2009

Dock Of The Bay 2009 musika/zinema jaialdia:
http://www.loveof74.es/weblog/sin-categoria/dock-of-the-bay-2009-programacion-completa/
Egitarau osoa / Bide Ertzean azaroak 27 ostirala Donostia

Coffee and cigarettes, Leidor and Meskal

Jim Jarmusch handiaren filmografian harribitxia da “Coffe and cigarrettes”. Collage moduko filmean egoera bitxi ugari aurki daitezke. Istorio horietan guztietan, izenburuak biltzen duen bezala, bi osagaiak zigarroak eta kafea dira.

Gurera etorriz, asteburuko gertaerekin filma egingo bagenu, “Leidor and Meskal” izenburua ipiniko genioke. Eta hortik aurrera, bakoitzaren istorioarekin pasarte bana. Hona, nirea:
Meskalen gautxoriak afaltzeko plana egiten ari dira. Ez da nire aukera, ohean sartzea besterik ez dudalako buruan. Larunbata da. Bezperako festa, lo falta, eguerdiko korrika saioa eta arratsaldeko entsegua… pott eginda nago. Joan aurretik ordea, Meskalen dagoen PC-a eskatu dut. Wi-fi dagoenez geroztik, Internet sarean sartzen naiz tarteka. Fabi Hanek ordenagailua bateria gutxirekin dagoen abixua eman dit. Ez dut atzera egin. Jasotako mezuen artean, Lista izenburu duen bat dago. Jarraitzaile batek bidalitakoa da. Mezuan aipatzen dit Internet sarean badagoela zerrenda bat “personas que apoyan a ETA” izenburukoa eta ohartarazi dit zerrenda horretan nire izena agertzen dela. Hura irakurtzean aurpegiaren kolorea aldatu zait. Clint Eastwood-ek Gran Torinon egin bezala ”-Agrhhhhh!” egin dut, erretxinduta. Googlen bilaketan hasi eta ttak! PC-aren bateria agortu da. ”- Agrhhhhh!” egin dut berriro, are erretxinduago.
Lagunak agurtu eta etxerako bidea egin dut, petralduta erabat.

Etxera iritsi eta beste ezustea. Oparia zain nuen, kutxa handi batetan bilduta. Kutxan honako esaldia: “Lampara declaración de amor”. Eta kutxak zer gordetzen zuen bere baitan? Irudian ikusten ari zarete…

Coffee and cigarettes filmean Tom Waitsek eta Iggy Popek duten aurpegi berarekin nagoela esango nuke. Txepela ni! Ez dut tutik ere ulertzen. Nola da posible hain denbora tarte txikian, bata bestearen atzetik, horrelako egoera xelebreak pairatzea.

Niri gertaturikoak irri egiteko balio dezala; pentsatu eta egin. Sms bidez Mescaleko gautxoriei argazkia bidali diet, honako mezuarekin: “Hauxe da egin didaten oparia. A ze egun arraroa, ohera noa”.

Zorretan gu gaude

Lasai Win lasai, gure etxekoandreari ez diok ezer zor eta! Izatez agian geronek edukiko diagu Bide Ertzeanekoekin zorren bat. Zuen kontura pintxojan ederra egin genian, eta horrek elkar ia zerikusirik ez dugun eta adinez oso desberdin garen zenbaitekin (uste dut Meskalera engantxatuak egotearena dugu lotura nagusia) giro ederra sortzeko balio izan zigunez, GORA ZUEK, GORA GU, ETA GORA GUTARRAK. Zorionekoak gu.

100, 22,... 2

"Literaturaren bideak etorkizunean" hizpide izaten ari da Euskal Herriko hiriburu guztietan, editore eta idazleen parte hartzearekin. 111 Akademiaren ideia izan da, eskertu behar zaiona. Zer pentsatua eman beharko luke ere musikak daraman bidea. Meskaleroen erreinuan musika bere horretan hor dagoen elementua da, ezinbestean. Besteak beste, horrek lotzen gaituela esango nuke.
Gu guztion artean taulagainera igotzen garenok azken asteetan egoera bitxiaren aurrean aurkitu gara. Astebeteko epean, gertuko eta ez hain gertuko taldeak gerturatu zaizkigu eskaini behar ditugun hurrengo emanaldietan haiei ere lekua egin diezaiogun erregutuz.
Hau da hau musika emanaldiak daraman bidea, martxa. Nago, talde berriei aukera ematerako orduan, lausotu egin dela bidea. Sasiz beterik balitz bezala. Non jo ez izate hori etsigarria da, zinez. Zer pentsatua ematen duena.
Hamairu-hamalau urte atzera eginez, talde batek "maketa" kalean jarri eta eskualdetik haratago jotzeko aukera zuen. Ez da hori gertatzen orain. Eta arrazoiak ez dira erraz konpontzekoak: Taberna edo aretoetako eragileek musikaren alde apostu egiteko geroz eta araudi zorrotzagoa daukate. Eta, bestalde, ikusleen aldetik talde berri baten doinuak entzuteko geroz eta joera gutxiago dago.
Bestelako joerak nagusitzen ari dira. Badirudi, zuzenekoak garrantzia galdu duen aroan sartu garela. Pause, play, control z eta reset-en garaian bizi garela, alegia. Pizza mikrouhin aparailuan erretzen ari den bitartean.

Ikasteko inoiz ez omen da berandu

Azken asteetan izan dugu nahikoa eztabaida tabernan ikasketak direla eta ez direla, izan ere lan munduan zeharo murgilduak dauden zenbait bezero (batzuek 30 urtetik gorakoak) berriro ikasmahaietan esertzera ausartu dira.
Hauteraiko batzuek Uned edo distantziazko unibertsitatean eman dute izena. Ikaskeketa modu honekin klaserik ez dago, temarioa kurtso haseran ematen dute, eta nahi izanez gero larunbatetan tutoritzak dauzkazu eskura; bertan gai horretako irakaslea zalantzak argitzeaz eta arduratzen da.
Badira Hizkuntza Eskola Ofizialean hasiak ere. Hauetako zentru bat ireki zuten Tolosan iazko irailean, eta jada Donostiara joan beharrik ez dagoenez Ingelesa eta Frantsesa ikasteari gogoz ekin diete.
Niri honek inbidia punttu bat ere sortu dit. Inbidia eta zer pentsatua. Agian meskalerook oraindik garaiz gaude gure burmuina informazioz betetzeko. Halere uste dut nireak gutxienez atea aspaldian itxia daukala.
Gogoa behar da gero lanetik irten eta aula batean sartzeko beraz nire aldetik behintzat animoak beraiei. Eutsi goiari.

Urriaren 23an Tolosa

Urriaren 23an Tolosako Leidor antzokian eskainiko da Leidor Sessions, doako proiekzio bidez. 20:30tan hasita.

Leidorren bertan "Leidor Sessions" emanaldia urriaren 23an

Meskalerook, hamabost egun barru, 2009ko urtarrilaren 16an bizi izandakoa berreskuratuko dugu hein handi batean. Astotxoa gaur Leidorren izan da probak egiten, eta irudian ikusten duzuenez, Karlosek taulagainetik pantailara salto egin du! Horrela biziberrituko dugu Leidor Sessions emanaldia, eslerkuetatik.
Urriaren 23an 20:30etik aurrera berriz elkartuko gara, meskaleroak eta lagunak, orain bederatzi hilabete hasitako gau zoragarriari segida eman asmoz. Bai horixe, gauak luze jo dezakeelako. Leidorren, lehenik, eta Meskalen, ondoren.

"Ez obeditu inori"

Duela egun batzuk, Fabi Han-ek liburu ederra aipatu zuen txoko honetan. Irakurri dudan azkena ere, nabarmentzeko modukoa dela esango nuke. Mikel Peruarenaren "Ez obeditu inori".

Kontakizuna, antolatuta dagoen moduan, bitxia da oso. Eta kontatzen dena ere, interesgarria oso. XIX. mende bukaerako Donostialdea irudikatzen da, Kubako gerraren itzala, anarkisten ibilerak, bertso paperen garaia, inprentaren garrantzia... Hori dena, Honher harmonika baten errritmora.

Joan al zarete zinemara aspaldi honetan?

Aukeran, nahiago urriaren 23an Leidorren dugun hitzordua.

'Non dira?' II?

La tierra está sorda izango du izenburutzat Barricada talde iruindarraren lan berrienak. Luis Cernuda poeta espainiarraren olerki batetik ateratako esaldia da, eta kantu guztiak Espainiako 36ko gerrari buruzkoak dira. Hiru urtez prestaturiko lana izango da, 18 kantu berrik osaturikoa. CDaz gain, liburuxka bat ere banatuko dute, 184 orrikoa. Azaroaren 3an jarriko dute salgai lana.

La Banda Del Jefe Bigun

Meskalero batzuen lagunak eta espero dugu ostirala eta gero meskalero guztien lagun izango direlakoan. Beraien aurkezpen txartela zera dio:

ESTE GRUPO SOLO TIENE UN OBJETIVO:
PASARLO BIEN, TANTO NOSOTROS COMO LOS QUE NOS VEN.
COMO DECIAN EN EL EQUIPO A:
"Si busca una fiesta rockera de verdad y quiere disfrutar, quizas tenga suerte y pueda contratarlos" !!
MI ROLLO ES EL ROCK!!

Gonbitea luzatuta dago, hitz ordua Iruran Urriak 2 gaueko 00:00.

Zulo bat uretan

Bi motibo ditut gaurkoan Iñigo Aranbarri ahotan hartuta etortzeko; batetik Bide Ertzean taldeak gaur aurkeztu duen DVDan ageri delako taldearen inguruko azalpen oso interesgarriak esanez gainera, eta bestetik Euskadi Literatur Sariko finalista izateari uko egin diolako. DVDaz aurrerago hitz egingo dugu, beraz liburua izango dugu aipagai.

Zulo bat uretan (Susa 2008) iaz eman zen argitara, baina nigana uda hasieran-edo iritsi zen besteak beste literatur aholkulari ere badudan Bukcley-k utzita (lasai, hi, laster itzuliko diat eta). Aitortuko dizuet bi aldiz ekin niola liburua irakurtzeari. Lehenegoan ez ninduen engantxatu. Hilabetez edo alboratuta izan ondoren, berriz ekin nion. Nola ekin gainera, di-da batean hasi eta buka egin bainuen. Aitortzen dut, gainera, zatirik handiena blogkideok ederki ezagutzen dugun tabernako txoko preziatuan irakurri nuela. Hasieran hizkuntzarekin-eta lan apur bat eman zidan baina halere benetan gomendagarria liburua. Asmatu huan, Buckley, bai horixe.

Oraingoan baina Euskadi Literatura sarietarako finalista izateari uko egin diolako agertu da prentsan. Izan ere Iñigo Aranbarrik "Utikan" delako manifestua sinatu zuen non zalantzan jartzen diren Jaurlaritzak sariok emateko duen irizpidea.

Kontuak kontu, liburuak merezi du. Ea zuek ere gustoko duzuen.

Aio.

Pause

Etxeko mikrohuin aparailuak bereak egin zituen, martxan jartzeko modurik ez zegoen. Kostata bere tokitik atera eta dendara eraman nuen, itxaropen handirik gabe. Deia jaso nuen ordu batzuetara, primeran zebilela esanez. Arazorik gabe funtzionatzen zuela. Dendariak telefonoz bestaldean zera esaten zidan: “Aparailu elektronikoak zenbaitetan blokeatu egiten direnez, itzali-piztu eragiketa sinple horrekin berriro martxan jartzen dira”. Arranopola! Deja vú modukoa izan nuen orduan. Internet sarea blokeatzen denean nik horixe egiten dut ba! Nolatan ez nuen burutapen hori izan aparailua etxetik atera aurretik, horixe pentsatuz eskegi nuen telefonoa.

Teknologiaz tutik ere ulertzen ez dugunok, logika sinple horrekin gainditzen dugu trantzea: itzali-piztu. Sofistikazioaren aldrebeskeriak. Eta bide batez, teknologiaz deus ez ulertzen jarraitzeko esperientziak. Mikrohuinena eta Internet sarearena biak ala biak kasu beretsuak eta, sikiera, soluzio merkearekin konpontzen direnak.

Eta pentsatzen jarrita, niretzako ere nahiko nuke aldrebeskeria hori egiteko aukera izatea. Blokeo egoera horietarako hain soluzio sinplea eskura izatea. Etxeko mikrohuin aparailuak bezala, itzali-piztu. Eta ezer gertatu ez balitz bezala, aurrera.

Horixe pentsatzen ari nintzen lehengoan anaiarekin batera Leitzaran bailaratik behera korrika Andoain aldera nentorrela. Nori ez zaio barrenean pause, stop egiteko gogo hori esnatu hainbat egoeren aurrean? Aste hauetan iluntze aldera korrika dabilen jende kopurua handitzen ari da. Gehienak ere Behobiara begira. Eta nik bezalaxe, gogor eutsiko diote pausoari. Pausoari eta pause egiteko tentazioari. Animo!

Egunkaria, libre!

Zer esan lehendik esan ez dena Egunkaria auziaz? Zer esan. Estatu arrazoi bihurtua dela dagoeneko, eta horregatik okerrena espero behar dugula, ez justizia. Justiziak Egunkaria libre esan nahi duelako eta horrelako gehiegikeriarik inoiz gehiago egin ez dadin Estatuari zigor eredugarria ere bai.
Zer esan epaiketa hasteko hilabete geratzen den une honetan? Herritar guztien babesa, laguntza, indarra eta elkartasuna beharko dutela auzipetuek. Laguntza ekonomikoa ere bai, kontuak enbargatuta dituzte auzipetuek, eta hein handi batean Egunkariako langile ohien artean sei urteotan hilero jartzen aritu garen poltsari esker aurre egin izan diote auzibideak eragindako gastuei. Bonoak eta elastikoak (hau oraingoz bidean baina laster eskuragarri) dauzkagu salgai, auzibideak une honetan kostu ekonomiko itzela eragingo dietelako auzipetuei eta haien senide eta lagunei.
Langile ohiek batzorde bat daukagu martxan, ekimenak eta bestelakoak koordinatzeko (herri batzordeak, eskualdeetakoak, informazioa,…). Denboraz urri eta jendez ere ez gabiltza soberan.
Egunkariarekin lotura izan zenutenoi ere dei egingo zaizue (Kultura, kirola…) bat egin dezazuen. Egunkariaren aldeko ekimen pertsonalak ere ongi etorriak izango dira (okurritzen zait, apika, toxkikook zuen agerraldietan gogoratzea duela hamar urte sortu zinetenean euskarazko egunkari bakarrak emandako laguntza zuek ezagutarazten…).
Tira, ikusten duzue ez da nire ohiko testu bat. Urgentziak eskatutakotik gehiago du. Aurrerago agian…

Mila esker aunitz lagunok

Meskaleroak zeresan handia izan zuten "Leidor Sessions" diskoaren grabazioan, Bide Ertzeanek asteazken honetan prentsaurrekoan aurkeztuko duen zuzeneko CD-DVDan.

Irudi eder asko daude DVDan. Hau ez duzue topatuko, ordea. Eta hau ere ederra da.

Argazki eta lerro hauen bitartez, mila esker aunitz Meskaleroei, Bide Ertzeaneko kide guztien partez. Zuena ere bada lan berriaren puska handi bat.

Bai, badakit garaipenik haundiena Cadel Evansek lortu duela, eta merezi zuela horrelakorik; baina ni bi izenekin geratzen naiz batipat aurtengo txirrindularitzako munduko txapelketari dagokionez: Fabian Cancellara (nire tokaioa) eta Romain Sicard hazpandarra.

Ostiralean beste erakustaldi bat eman zuen suitzarrak. Ikusgarria suertatzen da Cancellara erlojupekoetarako txirrindaren gainean jartzen denean, bat direla dirudite bizikletak eta berak. Txiki utzi zituen denak.

Romain Sicard izan da beste garaileetako bat. Honek ere erakustaldia eman zuen. Zirkuitoan zeuden bi igoeretan aldatz gora hoberena zela argi utzi zuen hurrengo urtean Euskatel-Euskadiko txirrindulari izango den 21urteko Euskaldunak.

Zorionak bioi.

Martxaundi

Asteburuak itzal luzea utzi du eta hortxe joan zaigu astea arralde, erreala eta beste hainbat kontuetan. Eta niri, lagunok, Martxaundi ekimenaz hitz egitea ahaztu. Ekimeneko 8 talde trianguloan taularatu ziren aurreko ostiralean, 22:10etan hasita eta 02:ooak arte. Manu militari ibili zen astotxoa, leidorreko hirukote phantastikoa urtarrilean bezala. Ondo joan zen gaua, eta aspaldiko garai eder haiek gogora ekarri genituen bertan izandako batzuk. Martxaundi eskualdeko talde euskaldunen abesti berrien konpilazioa da, askorentzat grabazio txukuna egiteko lehen aukera. Martxaundi azken 16 urteetan, abian jarri den bakoitzeko giro eta konplizitate polita sortu da partaideen artean. Hortxe zebiltzan heavyak, punkiak, metaleroak eta martzianoak hizketan, "hau aurrera atera beharra zagok" edota "ea kontzertu gehiago egiten dizkiagun" esanez. Galtzaundik egiten duen ekimena kultura eta euskara bera prestigiatzeko ideia polita dela deritzot.
meskaletik ari naiz, garagardoa hartzen jarraituko dut xabi express eta toxic twin anaiarekin. Zaindu!
meskalero, irurako kroniken zain gatxeudek! Buckley bonoa erosi diagu, hitz egin ezak hurrengoan egunkaria aferaz. Hire maisutasun horrekin. Torrealdai eta lagunak, zuekin gaude!

Ez !

Gure Imanol

Ostegun gaua, Meskal taberna, bada gurean begirada guztiak bereganatzen dituen norbait; eta ez, ez zen Toxic twins taldeko inor, ezta Crazy cymbal ere. Azkenaldian errealzaleon (uste dut athleticen zaleren bat ere badela gurean, zorionekoak zuek...) itxaropen egarria asetzen ari den jokalaria zen: Imanol Agirretxe.

Lasai ederrean zegoen bere (gure) adiskide Bambinarekin berriketan errealaren bi jarraitzaile sutsu gerturatu zitzaizkion arte. Atzo Gironaren aurka ez dakit, baina lehengoan egin zuen regatea Leo Messi berak ere sinatuko zukeen.

Gure animoak bai, horiek bai eskertu zituen, horregatik sartu zituen atzokoan bi gol. Aupa hi!

Berrian irakurritakoa

Igande goiza. Lo hartu ezinik eta gora. Gosarian, kafea mahai gainean eta Berria eskuetan. 15.orrialdean aurkitu nuen eguna alaitu ninduen albistetxoa: "Ekimen faltsu bat debekatzeko eskatu dute", tituluan.
Eta testuan, zera: MADRIL. Zeanuriko «Arralde mendiko presoen aldeko ekimena» debekatzeko eskatu dio Dignidad y Justicia elkarteak Baltasar Garzon epaileari. Asteazkenean jarri zuten elkartasun eguneko kartela, www.askatu.org webgunean. Bertan, Arralde herria aipatzen da, eta Goenkale telesaileko hiru aktore agertzen dira; salaketa jarri duen elkartearen arabera, «presoak» dira.
Bikaina! Lastima Wyomingek ere euskal auzian hanka barruraino sartzen duela. Bestela, bere programarako aproposa da euskal herritar batzuk justiziari-poliziari-ultraeskuindar antolatuari egin dieten irria.
Egoerarik beltzenean ere aurkariari iskin egiteko joera hori miresgarria da. Muniain asko dago Euskal Herrian. Zorionez.

Iraila bukaera gogorra

Oporretako buelta benetan gogorra aurtengoa, batzuentzat behintzat, agian hilabete hasiera ez hainbestekoa ,baina a zer bukaera datorkiguna denoi.
Asteburu honetan gure Deabruak Teilatuetan eskoriatzan Berri Txarrak taldeareakin batera jaialdi izugarria, agian hurrengo proposamena "Payola" beraien azken diska, oraindik ez dugu izan gure artean beraz beste baterako utzi behar.
Jaialdia nahiko ez eta Meskaletik 300 metrotara Garagardo Azoka.
Hurrengo asteburuan berriz Iruran San Migelak. Bertatik bi asteburutarako proposamenak, ostirala 25 Joselu Anaiak, iralak 26 Bonberenea Txaranga , Bongo Botrako (reggae, ska, rumba, punk eta cachondeopadre ) talde kataluniarra eta Betagarri talde Arabarra, irailak 2o Erramun Martirikorena eta Mikel Markez, urriak 2 La banda del jefe Bigun (Rock & Roll)nafarrak eta amaitzeko urriak 3 Kale animazio saio interesgarria non sua , dantza eta perkusioa batutzen duten Les Diables de Canovelles talde kataluniarrarekin eta bukatzeko dantzaldia Trikizio taldearekin, beraz badakizue, kabia uzteko eta gure herrira urbiltzeko aukera paregabea. hori dena gutxi ez balitz igande horretan bertan urriaren 4 donostian Kilometroak jaia ospatuko da Gros auzoan, Zurriola aldean.


Beraz lagunak Iraila bukaera gogorra eta urria ere esan bezala ustez behintzat badirudi ekintza beterik datorrela.

Gaurko proposamena (2)

Kaixo koadrila.

Duela pare bat aste ekin genion tabernan gustora entzuten ari ginen musika zuei proposatzeari, eta gaurkoan ere badut zer eskaini. Egia esate aldera disko honen berri blogkide dudan Winen bitartez izan nuen, beraz eskerrak berari.

Pete Yorn (New Jersey 1974)eta Scarlett Johansson (New York 1984)bikoak dakarkigun "Break Up" diskoa aurkeztera nator. Disko honetan batipat country doinuak jorratzen dituzte, eta aipagarria da oraino zine mundutik ezagutzen genuen (Woody Allenen musatzat dute) Scarlett Johanssonen ahots goxoa. Pete Yorn berriz azken urteetan jario oparoa izan duen egilea da, izan ere, estudioko bost eta zuzeneko bi lan argitaratu ditu 2000. urtetik hona.

Gustokoa izango duzuelakoan aio.

Hurrengo hitzordua, Meskal-Leidor

Eskoriatzara joateko ahaleginak ez du hutsik egin. Meskaleroak hor aritu dira, jendeari bidaia erraztu asmoz lanean. Busa osatzeko nahikoa jende bildu ez denez, bertan behera geratu da bidaia-proposamena. Hurrengo batean izango da! Meskaleroak Bodegara joaten garenean akaso... Orduan garraiobidea bost plazakoa izango da, esango nuke beraz sold out izango dela. Jendea kanpoan geratuko da. Zinez sentituko dugula...
Garraioaren beharrik ez da izango hurrengo hitzorduan: Meskal-Leidor elkar lotuko ditugu urriaren 23an, 20:30tan eskainiko baita "Leidor Session" bide ertzeanen DVDa Leidor antzokian. Animo lagunok, festa polita zain dugu.

Berri Txarrak eta Deabruak Teilatuetan larunbat honetan

Meskaleroek animatzen zaituztete:

Irailak 19, larunbata. Eskoriatza.
Berri Txarrak + Deabruak Teilatuetan zuzenean

Udako irakurtaldia

Udan Morellan nintzela "La Nevera" herriko tabernarekin topo egin genuen. Toki horretan bertan ikusgai dago XIX. mendean lurpean eraikitako 9 metroko zabaleradun eremua. Neguan elur biltegia zen, izozkailu artesanala, jakiak hotz iraunarazteko herritarren artean partitzeko gero.
Udal taberna zen, gazte bikote baten ardurapean. Liburutegi polita zuten denen eskuragarri: ekologismoa, feminismoa, mendizaletasuna... atal ezberdinetan banaturik zegoen.
Jateko, bertako produktu ekologikoak. Eta edateko, bidezko merkataritzatik lortutako kafea eta infusioak.
Taberna hartan sesio ederra eman genuen irakurtzen. Eta neroni oso gustura aritu nintzen irudian agertzen den liburua irakurtzen. Arina, erraza eta atsegina. Meritu handikoa, ekonomia arrotza zaigunarentzat liburu ulergarria idaztea!
Biharamunean handik igaro ginen berriro. "Into the wild" diskoa entzuten zen, eddie vedder pearl jam kantariaren bakarkako lana. esandako guztiarekin, argi da go leku gomendagarria dela Morellako La Nevera taberna.
Bide batez, udazken honetan meskalen asteko diskoa izango al da "Into the wild"? Filma ere oso ona dela esan didate.

Egia galanta

Toxic 1 eta 2 uda hasieran Leon aldean izan ziren asteburu pasa. Korrika saio batzuk egin, hiriburu ederrean barrena ibili... plan polita. Lehen korrika saioan, irudian ikusten ari zareten karteltxoa topatu genuen. Eta hori egia galanta! Handik ordu batzutara busa hartzeko toki beretik igaro ginen, eta ezin argazkia atera gabe alde egin. "–Solo sabemos construir", nahita ere ezin daiteke espainiarren erradiografia hobeagorik egin! Zakilixut handiari bidaliko nioke argazkia "-Tumatxa!" esaldia eransteko.

Gaurko proposamena

Kaixo Lagunok.

Gaurkoan, ekimen berri bati hasera eman nahiko nioke. Azkenaldian tabernan entzuten ari garen diska, edo taldea izango dugu aipagai azalpen txiki batekin.

Zuen gustokoa izango delakoan ekin diezaiogun lanari.

Gaur MGMT taldea hartuko dugu abiapuntutzat. Taldea USAkoa da, Conneticut-en sortua zehatzago izateko; bertako unibertsitatean zebilen ikasle talde batek sortu zuen 2002an. Haseran The Management izena bazuten ere, 2006an MGMT izena hartu zuten Columbia Records zigiluarekin sinatu ostean. Ondoren etorriko zen horren gustora entzuten ari garen "Oracular Spectacular" (2006) diska. Lehen kantua "Time to pretend" ederra da benetan.

Jada aurreratu dute hurrengo urtean entzungai izango dugula album berria, halere, esango dizuet gure bezero bat Parisen izan berri dela berauek ikusten eta itzultzen denean galdetuko diot zuzenean nolako emanaldia duten.

Espero dut lehen proposamen hau gustoko izango duzuela. Hemengo didazue zuen iritzia ezta?

Bitartean ondo izan eta animo!!

Aio.

Hau da hau Mescaleko zerbitzarien planta!

Meskalero guztioi, ongi etorri!

Inoiz ez ginen oso urruti joan. Etxe inguruan gustura ibili gara, baina oporren bueltan ohikoa izaten den legez, ba hori, ongi etorri denoi. Fabi Hanek galdetu digu ia non ibili garen, zelan pasa ditugun oporrak...

Crazy Cymbalekin egoteko aukera izan dugu, ez ordea Amaiarekin. Baina bai Jon eta Alaiarekin! Non eta Ibarrako festetan. Hau da hau Mescaleko zerbitzarien planta! Alaia, ezetz kapela hori Mescalen jarri!

Zaindu lagunok

Astotxoa berriro larre motzean

Iritsi naiz iberiar penintsulan abuztu osoa igaro ostean. Emailez, sms bidez, telefonoz, aurrez aurre... "Ongi etorri" esaten didate. Inondik inora ongietorririk politena inguruak eman zidan. Larraitzetik aterata dago bideo sekuentzia. Asteazken goizean aterata dago, mendira igo aurretik. Bide batez, lagunok, jakin ezazuela, astotxoa bueltan da. Larre motzean berriro.

Galiza 2009

Azken aldiz idatzi nizuenean jarri nuena ahintzat hartuz nire oporraldairi buruzko laburpen txiki bat eginez hasi nahiko nuke gaurkoan.

Galiza aldean izan ginen Meskalero Jauna neroni eta konpainia. Bertan ginela probestuz Pontevedran izan ginen laster Blog honetako partaide egin beharko dugun Karlos (crazy cymbal) bertan baitzen; Amaia Monteroren taldeko baterijole baita.

Kontzertuaren aurretik berarekin garagardo batzu edan ondoren Backstage-era (ez dakit horrela idazten ote den) eraman gintuen eta bertan Amaiarekin ateratako argazkia da goian ikus dezakezuena. Kontzertuaren ondoren ere edan genituen birra batzuek Karlos eta Gere talde bereko baxojolearekin. Hemendik eskerrak Karlosi horren ondo tratatzeagatik.

Hori dena lehen egunean gertatua da, hurrengoetan igerilekua, beroa, Ribeiroa, turismoa, jaki ederrak... protagonista. Primerakoa dena.

Itzulerako bidaia (poliki xamar ezta Meskalero?) lagunarte polittean eginiko afari eder batekin bukatu genuen. Hortik aurrera badakizue LANERA.

P.D. 1-Ea blogkideek ematen diguten beraien oporren berri.

Aio

Betiko antzera dago hau

Aspaldiko partez arratsaldea gure txokoan pasa beharra egokitu zait gaur. Beno horren aspaldi ere ez zela konturatu naiz, izan ere zer dira hamabost egun?

Gauzak lehengoan diraute, oporralditik etorri berriak batzuek, bueltan denik ere bada eta oporraldi betean direnak ere bai, baina hauen berririk ez dugunez ondo ibiliko zaretelakoan nago.

Blogkideak dira beraien berririk ez dudanetako beste batzuek, alperkeriak jota izango dira. A gripea behintzat ez al dute izango!! Buckley eta Meskalero (Win eta Goiburu atseden egunak badituzue oraindik beraz aprobetxatu) ekin lanari eta hasi idazten.

P:D. Hurrengoan izango duzue nire oporraldiaren berri.

Hemen gara

Hemen gara bai meskaleroak, oporraldi labur (batzuontzat behintzat) baten ondoren martxa hartzeko ordua iritsi zaigu. Ea laster nagiak alde batera utzi eta erritmo egokira bueltatzen garen.
EUTSI GOIARI

Eta ni banoa, baina ez dakit nora...

eneritz banbina alboan daukat, fabihan eta toxic 1-arekin batera. Oporretaz eta baterijole baten galtzontzilotaz hitz egiten ari gara... Gainerako neska gazte eta alaiak, berriz, musean ari dira. Hau martxa hau meskalen! Astotxoa oporretara doa eta ez daki zehazki nora... bizikletak hartu, furgonetan sartu eta aurrera... iraila ekimenez lepo dator. Txintxoak izan lagunok!

Nunca mais !

Batzuek hemen gara

Ditxosozko oporren sasoia dugu hau. Gurean ere ez da beste komentariorik azkenaldion, ez dakit nondik datorren bat, nora ez dakidan doan beste bat... baina tira merezia eta beharrezkoa ere izaten da oporraldia ezta? Meskaleroa eta neroni ere bagoaz laster batean beraz ezin kexatuko gara...

Gure inguruan oporraldirako herririk bada Zarautz izango da bat; bada bertara abiatu ginen pasa den larunbatean. Deabruak Teilatuetan taldearen kontzertua ikustera joan ginen Toxic Twins taldearen (Crazy cymbalena esatea hobe agian) jarraitzailerik sutsuenetariko batzuek eta ni. Bikaina izan zen, sekulako festa montatu zuen lehen kantatik Aritzek, eta bertan ziren ikusleak dantza batean ibili ziren izerditan blai.

Imaren kamixetaz berriz zer esan, niri behintzat sekulako ilusioa egin zidala jantzita ikusteak, baina bidenabar galdera bat datorkidala burura: Joni hik non duk hirea?

Esandakoa, kontzertua bikaina, berriro ikusteko desiatzen utzi gintuzuen, eta ba hal da hori baino laudorio hoberik?

Eutsi goiari!!

Zorionak zuei, zorioneko gu

Gaurkoan 30. eguna du Uztailak; gaur du lehen urtebetetzea Toxic Twins ekimenak. Bueno egia esatera bezperan hasi zen dena, telefono dei batekin. "Zer iruditzen zaik bihar zuenean kontzertua egingo bagenu?" Zioen Goiburuk telefonoaren bestaldetik.

Berehala jarri genuen martxan lantaldea. Meskalero eta gure Sheriffa afariaz arduratuko ziren, Eneritz deialdia zabaltzeaz eta ni ba lan egiteaz... Asteazkena nire laneguna baitzen eta da.

Toxic Twins & Evil Cymbal hartu zuten izentzat ordukoan. Berandu hasi zen kontzertua eta are beranduago amaitu genuen. Ederra izan zen, lehen aldiek berez izaten duten xarma eta berezitasun punttu horrekin. Deabruak Teilatuetanen abestiak, Bide Ertzeanenak, Balerdi Balerdiren bertsio bat eta nola ez La Bamba.

Ondoren ba betikoa, garagardoak nonnahi (bero egiten zuenez bagenuen aitzakiarik), eta Evil Cymbalen bataioa Dj bezala.

Zorionak beraz lehen urtebetetze honetan gau hartan gurean izen zineten guztiei eta zorionekoak gu Toxic Twins 2.0 bertsioa ere ezagutzeko zortea izan dugulako.

Asteartea, atseden eguna

Meskalero ez direnek jakin beharko lukete Meskal tabernan "astelehena" asteartean dela. Hau da, jai eguna asteartearekin tokatzen dela.

Meskalero batzuk berriz "bixamona" edo "astelehena" astelehenean, asteartean... behar baino gehiagotan dugula, alegia. Animo!

Aspertuta? Ez eskerrikasko.

Uztaileko egun beroak horrela izaten dira gurean, lasaiak. Blogariek ere alde egin digute; Goiburu eta Win Errioxa aldera joanak ditugu eta bertako ardo guztia edana izango dute jada, Buckleyren berririk ez dugu aspaldion (merezitako oporraldian da), eta Meskalero jauna ere joana zaigulakoan nago (astebukaera pasa edo...). Toxic twins-en (edo crazy cymbalenak agian) fans-ik ere ez zaigu ageri, atzoko ajea pasa ezinik ibiliko dira.
Eta zer, taberna zuloan bakarrizketan, zerbait errez egoteak ere badu bere xarma ezta? Zerbeza frexko bat edan, Wilcoren azken diska entzun, prentsa irakurri... bada bai zereginik.
Utzi beharrean zaituztet, bezero agurgarri bat sartu berri zait.
Ondo izan.

Meskal beti bezala dago!

toxic twins kontzertuaren biharamunetik bertatik igaro gabe eta hara! meskaleroen bideoak, zientoka argazki jai giroan, elkar besarkatuz eta muxukatuz... hori da gozamena.

Buckley, mezu hau idazten ari garen bitartean janis joplin entzuten ari gara. Hi bertan egongo bahintz!...

Meskal beti bezala dago: Idoia lanean, Fabi han ikusmiran, Lorena Punta-Canara begira, Win zerbezak atera eta atera eta Laura Pausini beti bezain eder!!!

Toxic Twins itzuliko da, uste baino lehen eta nork daki itxuraldatuta!!

Goiburuk pasa den larunbateko kronika idazteko hitza hartzen du. Joseina Etxeberria etorri ez zenez... badakizue, proportzioak ez ziren bete. Hemen gauak lau ertz ditu, eta euskaraz hitz egiten da.

Leihotik dakusat gaua....

Gaueko beste plazer bat.....
KORTATU
ups ! barkatu, beste talde batena da kanta
mesedez Goiburu jauna argituko zeniguke ?

VIDAS CRUZADAS

Kontzertuko une berezia, Quique gonzalez en Vidas Cruzadas.
Plazerra benetan.
Imak esaten duen bezala guk Meskaleroak ere, maite ditugu
Quique, Jacob, Javi eta karlos.
Mila esker Toxic Twins & Crazy Cymbal

Al arder la rama
Las estrellas ardieron también
Y una vez en calma, me largué .....

Nik ere musikari izan nahiko nuke

Hori da argazki hau ikusitakoan atera berri dudan ondorioa, zuei zer iruditzen? Gero esango duzue musikariek ez duzuela ligatzen ezta? (hala nahi izanezgero behintzat). Zerbeza esku batean, neska kuadrila inguruan, hori baino plan hoberik zaila ezta?

Uste dut Larunbataz geroztik fan fenomeno berri bat duzuela inguruan.

Deabruak Teilatuetan, aste honetako saioak bertan behera

Aste honetako saioak bertan behera geratu dira. Gernikako gaztetxean eta Areta-Laudioko parkean aritzekoak ginen ostegunean eta ostiralean, hurrenez hurren. Adi! Aste honetako saioak bertan behera geratu dira taldekide bat gaixorik dagoelako. Barka eragozpenak

Aupa Mikel Astarloza!

Azkenean bai, merezita bai horixe!!! Biba zu eta amets, gorka, igor, egoi, samuel.... ona, ona! Gora Euskal herria!

Toxic Twins & Crazy Cymbal, saioko argazkiak

Argazkiak
Egilea: @Unai hot
http://tinyurl.com/mhp4z3

Bideoa
Egilea: @Unai hot
http://www.vimeo.com/5694532

INKESTA!!

TRANGO ?






LEVI´S ?

Happy family 2

champs elysee-ko podiuma ez da izango hau baino hobea. Ezta atzetik daramaten tropela ere... Meskal gaua, too much!
Argazkian, ezker eskuin, lore sorta banatu zuen "Michelle", saria jaso zuen "Toxic 1" eta lasterketako zuzendari "Este...bar".