Meskaleroak

2012-01-20T21:54:00.000+01:00

Azkenean ezin

2011-05-05T18:04:00.002+02:00

Bart gaua, telebistan futbola den gehienetan bezala tabernan giro lasaia. Goizean irakurria nuen prentsan gauean Rio Bravo western ederra botatzen zutela, beraz pentsatu nuen "ea nahiko goiz itxi eta behintzat pelikularen amaieraz gozatzeko okasioa dudan".
Gaua neuk pentsatu bezala zihoan, lasai, ahalik eta bezero kuttunetako batzu atetik sartzen ikusi nituen arte. Garagardoa gora garagardoa behera gauerdia bazen tabernatik irteterako. Azkenean pelikularen amaierako kredituak agertzen hasi zirenean iritsi nintzen etxera, kabenzotz!
Halere aitortu behar, Vetusta morla taldearen azken diskaren beste entzunaldi batek merezi duela horrelako sakrifiziorik

Sopela

2011-04-06T18:10:00.000+02:00

Zurekin dantzatu nahi nuke

2011-03-17T21:47:00.004+01:00

Bide Ertzean

Martxoak 25, ostirala. 22:30 | Sopela, Kurtzio Kultur Etxea

ETBk grabatu egingo du Sopelako emanaldia eta, aurrerago, “Gaztea Live” saioan eskainiko dute.

Orain dela urte bete bertan izan ginan eta benetan gozatu genuen kontzertua, aretoa eta giroarekin, ederra benetean aretoa, txikia, akustika onarekin, ziur kontzertu paregabea izango dugula. Begira nor topatu genuen ingurua ezagutzen.

MESKALEROAK SOUND SYSTEM

2011-03-03T16:57:00.002+01:00

Ostirala martxoak 4 Meskal Tabernan.
Ihauterietan musika entzun, abestu, goxatu eta dantzatu nahi dugulako....

Uzturren

2011-01-02T21:50:00.003+01:00

Urteberri eguna mendira joateko aprobetxatzen du askok, neronek ere azken urteetan ohitura hori nere egin dut eta, taberna itxi, txakurra hartu ea Uzturrera joaten naiz oheratu aurretik. Aurten neroni izan naiz gora iristen lehena, 8:06 nire ordularian, eta argazki hau atera nuen. Gozatu egin nuen erdi ilunpetan mendian gora, eta urtea hasteko era ederra zela pentstuz heldu nintzen gora.

Zuei ere urte berri on! eta ea mendian ikusten garen

URTE ZAHAR GAUA MESKALEN

2010-12-26T11:34:00.005+01:00

MESKALEROAK SOUND SYSTEM + LAGUNAK
IT'S ONLY ROCK N ROLL (BUT I LIKE IT)

Ondo pasa lagunok

2010-12-24T12:44:00.000+01:00

Ondo pasa Mescal tabernako lagunok, eta ea kantu honetan hizpide dugun egun hori, 2011n iristen den.

Badator eguna kantua
2010.XII.16. Victoria Eugenia, Donostia. “Don Inorrez” bira.
Kantua: “Badator eguna kantua”. Hitzak: Jose Luis Otamendi. Musika: Bide Ertzean.

30. Urteurrena

2010-11-09T16:08:00.007+01:00

Azaroaren 5ean ospatu genuen meskaltarrok tabernaren 30. urteurrena. Bertan batu ginen lagunen artean, lehengo, oraingo eta nork daki etorkizuneko bezeroak, aspaldiko eta oraingo zerbitzariak...pintxoren bat jan, cava pixkat edan, edo besterik gabe aspadiko adiskideak agurtu eta bide batez azken urteotan Kapitain Pilotu izan dugun Idoia zoriontzeko.

Txaranga eta guzti izan genuen, eta giro bikaina sortu zen guztion artean. Milioika esker gerturatu zineten denoi eta lanean aritu zinetenoi, beste behin ere familia handi bat osatzen dugula erakutsi diguzuelako, ea beste 30 urte baino lehen horrelako beste jai egun bat ospatzeko paradarik dugun. AUPA ZUEK!

Ahaztu baino lehen, Denak tabernakoak ere ospakizunetan dabiltza 10. urteurrena dela eta, Zorionak zuei ere.

Badator eguna...

2010-10-28T11:06:00.002+02:00

Amanita muskaria

2010-10-19T08:56:00.002+02:00

Larunbat arratsaldean mendira joan eta argazkian ageri den amanita muskaria perretxikoarekin egin nuen topo. Banekien pozoitsuen sailean sartua zegoela, baina halere hartu egin nuen. Tabernara eraman eta han hasi zen polemika, batzuek pozoitsua zela, besteek aluzinogenoa, besteek ez zela ez bat ez beste... Perretsikoen munduan ere zenbat jakintsu!

Polita bada behintzat ezta!

Zurekin dantzatu nahi nuke, Bartzelonan...

2010-10-14T10:33:00.002+02:00

Bide Ertzean, abenduak 11 larunbata, 20:00etan Bartzelonako Euskal Etxean.
Sarrera, 3 euro (amb consumició...)

Meskalero xakobeo ?

2010-08-21T00:41:00.002+02:00

Beno, argi gera dadin, ez ginan tolosar bakarrak Santiagon, ez dugu argazkirik baino gure lagun Fabi Hanek laister argituko digu kontu hau, bitartean argazki hau utziko dizuet. Kaminante no hay kamino...
Jajajajaja!!!
Budweiser bat?

Etxean gara berriro

2010-08-20T21:41:00.003+02:00

Etxean gara bai berriro Galizatik bueltan. Gurean gauzak ez dira asko aldatu, kalea atontzeko lanek aurrera darraite nahiko erritmo onean eta ez da gutxi. Bezeroak gutaz ez direla ahaztu jakiteak poztu digu berez lanera bueltatzeak dakarren tristura.
Aurten Galizara bueltatu gara eta iaz bezain agur beroa egin digutenez tarte hau gurekin horren eskuzabal izan direnak eskertzeko probestuko dut.
MILA ESKER Txetxo, Leire, Markel eta Ximun (zuen adiskidantzak ez duelako mugarik eta familia ederra osatzen duzuelako), Manolo eta Carol (gau ilunean gose denari jaten ematea baina laguntza hoberik ba hal da?), Tito eta Cristina (zuen alaitasunak ez duelako infinitoa ezagutzen eta gure adiskidantza mantentzeagatik egingo dugu topa!) Pepe, Olga (Kaktusak gorabehera umeekiko adierazten duzun maitasunagatik), Eladino eta bere emaztea (barkatu baina ez naiz zure izenaz horoitzen), Vanessa (gure "polizoi" isila), Mack (ohitua ez zauden lekuetan egonagatik fidel jokatu duzulako eta babesa emateagatik), Autokarabanari (lotarako eta jateko eman diguzun babesak uraren arazoa ahazten lagundu digulako),A Coruñako Acuariumeko langileei...
Zihur ahaztu dudala norbait, eta zuri ere gure eskerrik beroena, ea laster argazkiren bat erakusten dugun, bitartean ondo izan.
Aio

Dira, dira, zezenak dira

2010-08-11T01:08:00.003+02:00

ASTURIAS, LLANES, PLAYA DEL TORO.
Berandu iritsi gera 00:00 jota eta ez dugu gehiegi ikusten baina pinta ona dauka gauak...

Lizarbakar

2010-08-09T19:37:00.002+02:00

Azken orduko bezeroak

2010-08-09T17:12:00.002+02:00

Igande gaua, jende gutxi, itxiera ordua gainean eta etxera joateko gogoa. Lanak zertxobait aurreratzearren, erratza pasatzeari ekin nion. Orduantxe konturatu nintzen atea jotzen ari zela norbait. Marmarka joan nintzen ateruntz, normalean ez zaigu gustatzen azken orduko bezerorik: ezagunen bat bada berandurarte geratzeko arriskua izaten delako eta hurrengo goizean jeikitzeko komeriak, eta ezazaguna bada berriz kanpoan uzteak pena ematen duelako.
Atzokan baina, Karlos Arancegui eta bere (eta gure) lagun Javi Pedreira ziren beste bi adiskiderekin batera sartzeko baimen eske zebiltzanak. Nola ez musika kontuez luze mintzatu ondoren (The Beatles, Frank Zappa, Abbey Road eta beste hainbat) etxera bidean jarri ginen. Berandu.
Lehen esan bezala ez ditugu azken orduko bezeroak gustoko baina atzokoa salbuespena izan zen. Beti bezala plazer bat.

Aurki bertan!!

2010-08-06T18:51:00.003+02:00

Bi artista handi

2010-08-02T19:53:00.001+02:00

Miguel Rios-Quique Gonzalez, Sos del Rey Católicon, 2010eko uztailaren 30ean.
Bi artista handi elkarrekin. Eta lekuko gisa, meskalero ugari.

Bagoaz!!

2010-07-30T11:18:00.001+02:00

Ez berdinak baina bai ederrak

2010-07-25T21:27:00.010+02:00

Azken aste honetan, bi kontzertu ikusteko parada izan dut, eta ez zait goiko sinboloa baina hoberik bururatu bien arteko parekotasuna alderatzen jarrita, baina ekin diezaigun aurkezpenetik: Larunbatean Zarautzko Putzuzulo Gaztetxean Mursego eta Deabruak Teilatuetan, Ostegunez gaueko hamarretan eta Lazkaoko plazan Bide Ertzean.

1. Larunbatean taldekideekin joan ginen Meskalero Jauna eta biok, Ostegunean bakarrik joan nintzen. (Non hintzen Buckley?)

2. Larunbatean kontzertuaren hasera 22:ooetan izanagatik zarautzen ginen 17:00etarako, Ostegunean juxtu juxtu iritsi nintzen.

3.Larunbatean bero zen Putzuzulon, hirugarren urtea zuten jarraian bertan gure Deabrutxoek eta hiruetan izerdi patxetan bukatu dugu, Ostegunean aldiz, gezurra zirudien Uztailak 22 zituenik. Frexko zen Lazkaoko plazan.

4. Larunbatean gertu-gertutik ikusi ahal genituen musikariak oholtza bajua zenez, Ostegunean berriz herriko Udaletxeko tabladuan jo zuten eta altuera ederra zuen. Kontzertuaren ostean igotzeko haukera izan nuen eta bertigoa eta dena ematen zuen.

5.Larunbatean kontzertuaren ondoren jende gehienak ospa egin zuen Gaztetxetik, Ostegunean Lazkaoko tabernetan sekulako giroa zegoen parranda latza botatzeko. (Hori bai, musikalki askoz hobea zen entzungai Zarautzen).

Beste hamaika alderaketa ere egin zitezkeen, Zarautzen gure Wim lagunak bost sokako gitarra eskuan eskaini zigun errepertorio oparoa, putzuzuloko gazteek garagardoak gonbidatzeko erabili zituzten ticket bitxiak, Davitxinen bateria berri ederra...

Baina denen gainetik bi kontzertuek bazuten hantzekotasun garrantzitsu bat: bietan ere ederki pasa nuen eta horrek balio du.

Ondo izan.

Zu eta ni, biak goxoki, dantzan dantzan rock and rolling...

2010-07-19T10:16:00.001+02:00

Rock and roll egunak

Banpiro eta Vuvuzela gaua II

2010-07-17T18:06:00.001+02:00

Banpiro eta Vuvuzela gaua I

2010-07-17T18:02:00.004+02:00

Deabru eta banpiro festa Zarauzko Putzuzulon...

2010-07-07T19:07:00.001+02:00

"Kirola besterik ez dago telebistan"

2010-07-05T17:30:00.002+02:00

Horixe bota zidan atzo amak. Ezin ukatu horrela dela, kirolzaleok izaten dugu Uztailean zer aukeratu, izan Frantziako Tourra, arraun denboraldiaren hastapena, Wimbledon... eta hori gutxi ez eta aurten Munduko futbol txapelketa.
Tabernan ere beste konturik ez aspaldion, futbolak hartu du gure berriketaldien haria. Gure desioen eta abertzaletasuren arteko eztabaida ederrak izan ditugu azken asteotan; batzuta eztabaidarik txatxuenetik abiatu eta ondorio ederretara iritsen gara. Zer ote litzateke gure bizitza kirolik eta politikarik gabe...
Orain baina badugu beste eztabaidagai bat, Tourra. Asteleheneko etapan erorketa izan ondoren, Schleck anaiak lau minutu galtzera iritsi ziren, baina orduan Cancellara ahalguztiduna pelotoi buruan jarri eta denak geldiarazi zituen bere taldekideak sar zitezen. Ondo jokatu al zuten beste taldeek edo okasio ederra galdu Andy Schleck jokoz kanpo uzteko?
Hor ez da bukatzen dena ordea, izan ere atzoko etapan, bigarren atalak antzezle nagusi bertsuak izan zituen baina alderantziz. Atzo Andy eta Cancellara (handia haiz benetan) aurrean suertatu ziren besteak harbideetan nahikoa komeria zuten bitartean.
Beste behin pelotoiko ugazaba nor den argi ikusi ahal izan genuen, Fabian Cancellarak atzera begiratu, bere postura dotorea hartu eta pedalei gogor eraginez aurrera jo zuen gainontzeko aurkariei tartetxoa atereaz. Horra berriketarako gaia: zergaitik batzuei itxaron eta besteei ez? Horrenbesterainoko boterea al dute batzuek pelotoian? Cancellara al da galoi guztien jabe?
Petraeus jenelarak berak ere badu nondik ikasia.
Aio.

Spotify gauak

2010-06-16T10:02:00.005+02:00

Igandean igo omen zen Reala Lehen Mailara. Omen hori ipini dut, partidaren orduan Bide Ertzean Triokoak Elgetako Espaloia Kafe Antzokian ginelako, soinu proba egiten.

Eta Donostia aldean ospakizunak hasi zirenean, gu aipatu aretoko oholtza gainean geunden.

Futbola maite dugu guk ere. Kontzertua atzeratzekotan izan ginen, baina futbola eta rock and rollaren artean, guk zalantza izpirik ez dugu. Gureari heldu genion, serio demonio, Tolosatik eramandako alfonbra gorriaren gainean. Kontzertuaren kronika Iban Arantzabalen blog honetan irakur daiteke.

Argazkia, emanaldiaren ondorengo da. Tartean dira aretokoak, Bide Ertzeanekoak, Gaztelupeko Hotsak-ekoak, gure soinu-teknikaria, Mescaleko nagusia... Espaloia Kafe Antzokiko barraren barruan daude denak. Baina ez galdetu zergatik, nola, zerk eraginda amaitu zuen jendilaje honek barraren barruan.

Spotify dela eta ez dela, rock and rollaren klasikoekin aparretan izan ginen (Rolling Stones, Bob Dylan, Andres Calamaro) eta euskal kantuekin boza urratu genuen (Pier Paul Berzaitzen baratze bat, Morauren Bla, Bla, Bla, Bla).

Komeriak astelehenean iritsi ziren. Baina tira, Spotify bezain inbento ederra da Spidifen-a. Eta horri eskerrak, bestela...

Ilargia......

2010-06-07T19:20:00.002+02:00

Pato, pollo, dorada, olla express edo Angus?

2010-05-29T14:55:00.003+02:00

Bat, Bi eta Hiru

2010-05-14T21:50:00.002+02:00

Barkatuko dit Meskalero Jaunak baina argazki bera erabiliko dut atzoko gure eginala ilustratzeko, izan ere gu izan gintezkeen atzo.

Andoaingo mendialdeko paraje ederrean ezkutatuta dagoen Garate Studiosen genuen zita, piano eder bezain pisutsu bat igo behar zela bertara eta 10ak alderako zintzo bertaratu ginen 5 lagun. Ez genuen distantzia handirik egin beharrik, hamabostenbat eskailera maila soilik, baina pianoa etsai astuna genuen, 430 kilo inguru.

Jabeak agindu zigun lekuetan jarri, sokak tenkatu eta berak 1, 2, 3 esaten zuenean guk IEUP! eginaz piskanaka bazen ere zentimetro batzuk gora; atsedenaldi laburra eta berriro 1, 2, 3 IEUP! Kostata baina sartu genuen estudioaren areto nagusira.

Espero dezagun atzoko eginalak merezi izatea, baina hori Joserra Senperena maisuaren esku utziko dugu; emaitza udazkenean, Bide Ertzeanen hurrengo diskan entzungai.

Eugenio Mujika HABEko zuzendaria, by Pato Lucas

2010-05-07T09:39:00.005+02:00

2010.V.6. Amasako kultur etxean Beterriko Liburua Literatur Aipamenaren XIV. edizioa. 111 Akademiako irakurleek Irati Jimenezen ‘Nora ez dakizun hori’ izendatu zuten 2009ko libururik gogokoen. Ohi bezala ekitaldira Eusko Jaurlaritzako, Gipuzkoako Foru Aldundiko eta Amasa-Villabonako Udaleko ordezkariak etorri ohi dira. Oraingoan Eloi Egibar Larramendi Kultur Bazkunekoa, Maixabel Arrieta Amasa-Villabonako alkatea, Esti Alkorta Gipuzkoako Foru Aldundiaren izenean eta goian aipatu Eugenio Mujika HABEko zuzendaria Eusko Jaurlaritza ordezkatuz.

Harri eta lur geratu zen bertaratutako hainbat Eugenio Mujika jaunaren korbatarekin. Ikus ezazu argazki hauen bidez, agian irri eginen duzu Amasan beste batzuk egin zuten bezalaxe. Eusko Jaurlaritzaren izenean euskal literaturaren ekitaldi esanguratsuenera modu xelebrean agertu zen jantzita; Eugenio Mujika HABEko zuzendaria, by Pato Lucas.

Jokoaren maitalea eta harroputza

2010-04-30T11:17:00.006+02:00

Asteazken gaueko 20:45tan izango al zen telebista aurrean ez zenik? Bartzelona eta Milango Inter parez pare, Txapeldunen ligako finalerdiak, itzulera partidua, Nou Camp mukuru betea eta joaneko emaitzari (3-1) buelta eman behar. Partidak baditu beste pizgarri batzuek ere. Aurkariaren aulkitxoan Mourinho lemazain (bere garaian Bartzelonako bigarren entrenatzaile) eta finalerako hitzartutako zelaia, Santiago Bernabeu, Real Madrile betiko etsaiaren estadioa.

Horrenbeste ikusgai izanda, ezin ba partida ikusteko irrikari eutsi.

Bartzelona jokoan nagusi haseratik, Mottak (hau ere Barçako jokolari ohia) txartel gorria ikusi zuenetik talde bakarra izan zen zelaian; minutuak aurrera zioazen ordea eta golik ezin sartu, estuasuna nagusi. Aukera eder baten ondoren, Piqueren gol polita, baina partida 1-oekoarekin amaitu zenez, Inter finalera.

Partida amaieran bildu ginen Meskalen zenbait ustezko futbol aditu. Bartzelonak hobeto jokatu zuela, Inter ez jolastera etorri zela, Guardiola eta Mourinhoren arteko desberdintasunak...

Ez ditut futbol talde boteretsu eta handiak gustoko, baina onartu behar dut Bartzelona honek azken bi urte hauetan gozarazi didala, ikusgarria dela beraien jokomaila eta neronek ere nahiago nuela Kataluinarrak izatea finalean, baina oraingoan uste dut Mourinho nagusi izan dela, bere probokatzeko joko hori ondo atera zaiola, eta bidenabar Real Madrileko zaleen entrenatzaile kuttun bihurturik milioi zaparrada izangon duela mahai gainean bertara etortzeko.

Azkenean, harroputza garaile.

ZUZUNEKOEN BESTE IKUSPUNTU BAT...

2010-04-27T13:43:00.001+02:00

Google Earth

2010-04-13T18:38:00.006+02:00

LIBRE!!

2010-04-12T17:16:00.002+02:00

Liderrez

2010-03-23T09:19:00.003+01:00

Pasa den Ostiral gauean Pereza taldea ikustera joan ginen Donostiako Kursaalera. Giro bikaina sortu zuten Madrildarrek eta azkenean kontzertua jai giro ederrean amaitu zuten. Ostiraletik baina, gogoeta bat dabilkit buruan, eta gurean musikaririk badugunez, ea zer iruditzen zaizuen.
Pereza bikotea adibidetzat harturik, orokorrean taldeetako lider edo front man-en irudia ageriko geratzen da zuzenekoetan zen prentsa agerraldietan etab. Lehen aipatu bikotean, Leivak (bikain bai abesten bai kitarra joaz) betetzen du rol nagusia. Nabari da gainera gozatu egiten duela hartu duen jarrera horrekin eta gustoko duela jendearen begiradak berari zuzendurik egoteak. Uste dut talderik gehienetan abeslariak betetzen duela lidertzaren papera, baina AC/DC taldean esaterako Angus Young gitarra jole saltaria dugu arreta erakarle nagusi, eta izango dira adibide gehiago.
Halere ez dakit hau kanporako itsura edo errealitatea ote den, alegia benetako liderra kanpotik nabarmentzen den hori edo ezkutuan dagoen besteren bat ote den itzalean agintzen duena.
Ea zer diozuen zuek. Ondo izan.

Non dira? Zorionekoak gu bertan ginala....

2010-03-20T18:31:00.003+01:00

- Y en el Tío Vinagre... ¿qué pasó?

2010-03-10T17:54:00.002+01:00

1995eko urrian Itsumutugor gure lehen diskoa aurkeztu genuen eta abiapuntua zirraragarria izan zen. Diskoa kaleratzeko egun gutxi geratzen ziren, aurretik Hitz egin jaialdian parte hartu genuen, Oiartzungo kirolgunean hamaika talderekin batera eskainitako kontzertu erraldoian. Milaka bildu ziren Esan Ozenkiri elkartasuna adieraztera, Galindo koronel ohiarekin izandako aferaren inguruan.

Gogoan dut gure lehen diskoa kasetean eta CDan argitaratu zela, biniloa albo batera uzten hasi zen garaian justuki. Diskoa han eta hemen aurkeztu genuen, prentsa agerraldien edota zuzeneko saioen bitartez. Gure diskoaren promozioa Madrileraino hedatu zen, Esan Ozenkiren bitartez Circulo de Bellas Artes areto ezagunean ere aurkeztu genuen gure lehen diskoa.

Madrileko egonaldia El Tio Vinagre tabernan abiatu genuen, ondo baino hobeto. Garagardo eta tapa artean hainbat kazetari igaro zen gu elkarrizketatzeko, tartean Kike Babas & Kike Turron kazetari eta musika ekintzaile ezagunak. Tabernako arduraduna Luna zen, eta bikain portatu zen gurekin. Berarekin batera beste emakumezkoa zegoen, guri kañak eta tapak ateratzen. Amparo zen, gerora Amparanoiarekin aski ezagun egin den musikaria.

Handik urte batzura bitxikeria hura gogora ekartzean, Kaki Arkarazo teknikariak ere horrela ezagutu zuela gogoratzen du. “Garai hartan berak aipatu zigun musika egiten zuela… eta, hara, begira noraino iritsi den!”.

Internet sarean arakatzen, Amparanoiak berak tabernari izandako garai hura gogora ekartzen du http://www.radiochango.com webgunean:

“- Y en el Tío Vinagre... ¿qué pasó?

Fundamental. El Tío Vinagre era una tasca típica madrileña, el bar de una amiga, Luna. Yo trabajaba allí poniendo cañas, con Piluca también. El bar tenía mucho ambiente porque poníamos buena música, y cuando estaba más ambientado quitábamos la música y empezábamos a tocar.

Se creó la leyenda de unas chicas en la calle San Carlos que de pronto tocan... y los productores de disco fueron los que realmente vinieron a buscarnos.

Así fue el comienzo, en el Tío Vinagre y tabernas de ese tipo”.

Hasiera haietatik hona hainbat bider agurtu dugu, besteak beste, Garate estudioetan eta hainbat musika jaialdietan. Amparanoiak gogoko du Euskal Herria eta jakin badakigu ilusio berezia egiten diola musika egitasmo berria lehenik eta behin Euskal Herrian aurkeztea. Adiskide ugari egin ditu Euskal Herrian, bereziki Muguruza anaiak eta Kaki Arkarazo. Azken hau Toxic Twins-en disko guztien soinu hartzaile izateaz gain, Amparanoiaren bidetik sortu den Amparo Sanchezen “Tucson-Habana” diskoaren ekoizle izan da. Eta abiatzear den kontzertu biran kitarra joz arituko da.

Amparo Sanchezen kantu berriak Andoainen eskainiko dira primizian ostiral honetan
'European Tucson-Habana Tour' Bastero auditorioan abiatuko da martxoaren 12an, 21:30ean.

Emakumearen nazioarteko egunaren harira Andoainen antolatu ohi den zikloaren baitan, nazioarteko estreinaldia burutuko da Bastero auditorioan Amparo Sanchez –lehen, Amaparanoia– kantari ezagunaren bitartez.
Amparo Sanchez Amparanoia izenarekin aski ezaguna izan da orain arte musikagintzan. Urte luzez ibilbide oparoa egin du, eta Euskal Herrian hamaika bider izan da. Hurrengo asteburuan “Tucson–Habana” musika egitasmo eta disko berriarekin bi kontzertu eskainiko ditu Euskal Herrian, Europako birari ekin aurretik. Andoainen beraz estrainekoz eskainiko dira kantu berriak primizian. Hurrengo asteetan “Tucson–Habana” ikuskizuna Espainian, Suitzan, Alemanian, Austrian, Britainia Handian, Belgikan, Frantzian eta Holandan eskainiko da.

Zorte on Amparo!

“Zuek jotzen eta ni txoznan lanean!”

2010-03-03T11:11:00.002+01:00

Esaldi hori Iosu Esnaola Realeko jokalariarena da. Toxic Twinsen blogean sartu xehetasun gehiago topatuko dituzue...
Klik batean: Toxic Twins

Quique Gonzalez

2010-02-21T21:03:00.003+01:00

Iñauterietako ajea gainetik kendu ezinik genbiltzan. Meskalero sekulako trankazoarekin eta neroni muki jasa izugarriaren ondorioz sudurra gorri gorri nuela. Halere pasa den Abendutik hitzartua genuen Quique Gonzalez ikustera joatea eta ezin huts egin.

Victoria Eugenia dotorearen azpian autoa utzi (pixka bat kosta zitzaigun parkingerako sarrera topatzea) eta prest ginen jaialdia ikusteko. Lehenengo, Bide Ertzean taldea taularatu zen 4 abestiko mini (Karlos gure lagunaren bateria bezala) kontzertua eskaintzera. Hiruko originala zen gainera, eta bi anaiek eta Karlosek bikain probestu zuten atzokoan eskaini zitzaien okasioa. Beste behin ere zorionekoak gu.

Ondoren taularatu zen Quique eta bere taldea. Haseratik ikusi genuen abesten izugarri dabilela madrildarra, baina nire ezkerretara nuen Meskalero eta biok lehen akordetik txunditu gintuena kitarrajolea izan zen: Javi Pedreira. Bikaina.

Kontzertuaren lehen zatian, Daiquiri Blues azken diskoko abestiak jo zituen. Ondoren deitu zituen eskenatokira Bide Ertzeanekoak, hauen "Non dira" kantua elkarrekin abesteko. Esan behar Ikastolan ibili zen 2 egun horietan euskara bikaina irakatsi ziotela Quiqueri. Ederki abestu zuten.

Saioaren bigarren zatian jo zituen bere ibilbideko "hit" gehienak, jendea beraien eserlekuetatik zutitzeraino. Goia joz amaitu zuen luzaroan gogoratuko dugun emanaldia.

Kanpora irten ginenean izan genuen gure lagunak agurtzeko parada. Iñauterietako azken komentarioak egin (Crazy bukatu al dituk festak?) eta garagardo pare bat hartzera joan ginen Quique eta konpainia agertu bitarte. Hauek agertu zirenean, lehen aipatu Javi Pedreira agurtzean jaso genuen ezustekoa. Bera gogoratzen zen gutaz, elkarrekin egonak ginela lehenago. Hala da, Pontevedran pasa den udan Karlos agurtzera joan ginen Amaia Monteroren kontzertuaren amaieran eta bertan zen bera ere. Orain lehen baino are gehiago miresten dugu.

Ke eta garagardo artean agurtu genituen adiskideak beste baterarte. Ordurako ahaztuak genituen muki eta buruko minak.

Lehen esan bezala, ez dugu puska batean atzoko kontzertua ahaztuko beraz zorionekoak gu.

Aio.

Iñauteriak 2010 (amaiera)

2010-02-18T12:22:00.002+01:00

Joan dira Iñauteriak eta balantzeak egiteko garaia izateaz gain, nolabaiteko sari banaketa egiteko probestuko dut.
Guretzat uste dut pozik egoteko moduko jaiak izan direla. Lana ondo egin dugu eta ez dugu inolako ezbehar edo istilurik jasan. Ez da gutxi. Orain lehengora bueltatzeko garaia da. Eskertuko dugu ohikotasunera itzulera. Bai guk eta baita gure gibelak ere.
Ekin diezaiegun sariei.
Aurtengo Iñauterizale sari nagusia, Mintxori emango diot. Urtea joan urtea etorri beti disfrutatzen du festez, gustora ibiltzen da bere mozorro eta lagunekin. Irribarrea ezkutatu ezinik.
Errebelazio saria Meskalerori doakio; azken bi urteetan arrazoi desberdinak tarteko, ezin izan ditu gozatu, baina aurten zukua atera die jaiei.
Mozorrorik onenaren saria urtero Iñauterietarako batzen diren 2 edo 3 koadrila desberdini emango diet. Duela urte dexente USA FOR AFRICA kantu ezaguna egin zuten eta kanturako zein bideokliperako artista ezagun ugari batu ziren ( Bruce Sprinsteen, Michael Jackson, Steve Wonder...). Bada hogei lagun inguru batu ziren eta hauetaz atera ziren. Bikain zuek ere.
Agian nire blogkideek izango dute beste norbait saritzeko proposamena, agian Crazyk eta Mugerrek ere mereziko lukete sariren bat, zuen esku utziko dut.
Urtebete baina gehigo falta da Iñauteriak 2011rako Martxoaren 6an izango direlako, baina izango dugu nonbait parranda botatzeko okasioa ezta? Besterik gabe ondo izan.
Aio

Iñauteriak 2010 (Asteartea)

2010-02-17T14:23:00.004+01:00

Iritsi da ba Asteartita ere. Egun berezia izaten da hau Tolosar askorentzat, izan ere urtebeterako Iñauteriei agur esateko eguna izateaz gain, parranda ederra botatzeko egun egokia da; giro ona eta jendea ere neurrian.

Beti bezela 5etan edo ireki genuen taberna. Sartu zen lehenengo gazte koadrila eta nekea igartzen zitzaien. Tragoa esku batean, zigarroa bestean eta lurrean eserita. Dantzatzeko ere indarge. Ondoren etorri ziren Meskalero, Goiburu eta konpainia. Hauek oraindik sasoian zeuden, Astelehenez zintzo ibili zirelako, eta parranda hitzartua genuenez ni erreskatatzera zetozen.

Iñauterietako lanak amaitu, lehoi mozorroa jantzi eta parrandara! Meskalero mila esker mozorroagatik, baina joño! ze beroa ematen zuen. Tragoxka batzuek hartu eta Meskalera berriz, han Madrildik zetorren Crazy zain genuen; hau ere gure tropelera batu eta edanera berriz.

Gustora ibili ginen, dantzan, kantuan eta berriketan. Ezagutzen al duzue Iñauteriei amaiera emateko modu hoberik? Lagunarte ona eta alaitasuna ez dugu besterik behar.

Bihar sari banaketa, baina ez nituzke ahaztu nahi Iñauteriak arinagoak izan genitzan ahalegindu zareten guztiok. MILA ESKER ZUEI.

Aio

Iñauteriak 2010 (Astelehena)

2010-02-16T16:40:00.002+01:00

Astelehena Iñauteri egun berezia izaten da lan aldetik. Arratsaldea nolabaiteko lasaitasun batekin hasten da. Igandean eginiko parrandaren nekeak ohera lotzen dituela dirudi gautxorienak ere. Jendea normalean deskantsu on bat hartu ondoren irteten da eta horregatik gau hau eromena izaten da. Gainera Astelehen gau luzatzen eta luzatzen joaten da Astearte goizean Pattar zezenera (goizeko 8etan) iritsi arte.
Egunak aurrera doazela nabari da jada iñauterizale amorratuenetan ere. Hau gehienbat tragoa esketzera datozkizunean nabaritzen da, izan ere bozak huts egiten die eta belarria gerturatu beste erremediorik ez zaigu geratzen zer eskatzen ari zaizkigun asmatzeko.
Atzo gainera Buckley izan genuen tabernan; besteak ikustera ohituago nago, baina hau ez eta ilusioa egin zidan ipurtargiz mozorroturik ikusteak. Noiz arte iraun ote zion argiak?
Atzo bezala gaurkoan ere jai nuen gauez, eta horregatik nire lankideei eskertu nahiko nieke egunero egiten ari diren alegina. Gora zuek.
Beno, bihar azken eguna eguna izaki, Iñauteriak 2010eko sarituak ere hautatu beharko ditut, jada badauzkat izaendatuak buruan, baina gaurko gauak erabakiko du dena, beraz animo eta saiatu lehia irabazten,
Aio

Iñauteriak 2010 (Igandea)

2010-02-15T13:17:00.004+01:00

Atzo esaten nuen bezala, Egun Haundia iritsi da. Jende ugari izaten da herrian gaur. Arraroa izaten da mozorroturik ez dagoenen bat ikustea Tabernan, baina atzo ere bazen bakarren bat. Nahikoa lan izaten dugu batzuetan barraren bestaldean eskean dugun hori nor den jakiten, baina horrek ere badu bere xarma, etorri zitzaizkigun ezkon soinekoekin kuadrila bat, Superman, untxiak, lorontziak eta beste. Izan nituen baita bisitari Meskalero, Win eta Goiburu. Atzo ere bagenuen zertaz barre egin, eta eskergarria izaten da lanez lepo egonagatik norekin dibertitu topatzea.

Gaur baina, jendeaz ausnartu nahiko nuke, bada Iñauterietan loratzen den pertsona mota bat, kantuak eskatzen dizkizun jendeaz ari naiz. Lagun ugari zure zain zerbait zerbitza diezaiozun eta hauek: "jarri kantu hau, jarri beste hura" errepikatzen. Gogaitzen naute hauek, baina parrandazalez inguraturik egotearen ordaina izango da.
Gauen nik jai izaten dut eta ezin esan nola joan zen, lan hau beste norbaiten esku uztiko dugu ea inor animatzen zaigun. Gaur ekingo diogu jaien azken txanpari beraz animo.
Aio

Iñauteriak 2010 (Larunbata)

2010-02-15T12:54:00.002+01:00

Larunbata izango da seguruenik Tolosako Iñauterizaleen artean gutxien gustatzen zaien eguna; izan ere Igande goizeko diana begiz jota edukitzen dute eta goizeko 8etan esna egon nahi duenak Larunbatean luzatzerik ez. Duela urte batzuek, egunik jendetsuenetakoa genuena, egunik apalena da orain, eta hori aprobetxatuz jai hartzen dut egun hau.

Garagardo batzuek hartzeko batu ginen taberna goian ageri den bostekoa, baina pare bat tragoren ondoren, hiru beteranoek ospa egin eta bikote gaztea geratu ginen. Honen aurretik baina, Iganderako mozorroaren aitzakiaz egin genuan nahikoa barre: betaurrekoak zirela, ileordea... Lehen esan bezala baina, bista pixka bat alaitu zutenean, hiruek utzi gintuzten.

Meskalero Jaunak eta neroni, beste trago pare bat hartu, hurrengo baterako mintzagai izango dugun jendearekin egon, Astearterako parranda adostu, Muger aspaldiko laguna agertu eta beste zenbait gauza egin ondoren etxerakoa bidean ginen. Igandea gertu genuen eta oraindik egun luzeak geratzen dira.

Aio

Iñauteriak 2010 (Ostiral mehe)

2010-02-13T17:31:00.002+01:00

Bigarren eguna ere atzean laga dute aurtengo jaiek. Atzokoa berezia izan zen; xelebrea agian berezia baino gehiago. Bazkalostean, Meskalero jaunak dei egin zidan, bera prest zela lanerako, nik jai hartzeko. Tentazio haundiari aurre eginaz baina, Sheriffari eman nion aukera.
Gaueko hamarretarako prest ginen biok. Kanpoan elurra eta izotza, baina barnean izotz eskasian genbiltzan, jela egiteko makina larri zebilen Goio gure teknikari prestua agertu zen arte. Nolabaiteko emergentziazko konponketa egin eta lanari ekin genion.
Ostirala lanerako oso desberdina izaten da bezperarekin alderatuta. Laneko edo klaseko afariak egiteko hautatutako eguna izaten da. Horrela joan zihoan gaua konbinatu eta garagardo aparretan, aspaldiko lagun bat agertu zenean. Hau sagardotegitik zetorren, lasai antzera zebilen baina bere gustoko musika jarri eta suzpertu zen. Pentsa zenbateraino animatu zen etxeraino joan zela ziztu bizian guk atzorarte ezagutzen ez genuen Love of Lesbian taldearen CD baten bila. Entzun beharko dugu ba hau ere!
Taberna itxi eta Meskalero eta biok pare bat trago hartu eta etxera; oraindik lan asko daukagu eta aurretik.
Aio

Iñauteriak 2010 (Ostegun Gizen)

2010-02-12T16:50:00.002+01:00

Hasi dira festak ofizialki. Elurrak ere ez zuen aurtengo txupinazoan egoteko okasioa galdu nahi, eta 12tan zintzo demonio bertan egin zuen agerraldia.
Kalean hotza zen nagusi, baina nagiak bide bazterrean utzi eta Tabernan ginen 5etan lanerako prest. Meskalero jauna eta bere lagun Aitor izan ziren agertzen lehenak; beraientzat aurtengo lehen iñauterietako tragoa. Aupa zuek. Lehen esan bezala kalean hotz galanta egiten bazuen ere, jendea garagardo freskoa edateko gogoz zela argi geratu zen arratsaldeko lehen ordutik. Afaltzeko garaian beti bezala jende gutxiago ibili bazen ere gero animatu zen jendea. Bitxia eta aipatu gabe utzi nahiko ez nukeena da baita ere, gurean badela kroadrila bat urtean behin soilik ikusten ditudanak, hemen izaten dira hutsik egin gabe Ostegun Gizenez afalondoren. Gora Anoetako koadrila!
Azken orduan, gurean zen Koldo adiskidea ere. Berrogei urte betetzear da eta bere bizitzan lehenengoz biziko ditu Iñauteriak barraren aurrekaldetik. Urteetan (15ekin hasita) zerbitzari ibili da, Joxepan lehenengo (gure adinekook El Bolas bezala ezagutu genuena), eta 66n gero. Tipo bikaina gure Koldo. Ondo pasa aurten, merezi duk eta!
Horrela joan zen bada osteguna, baina amaitzeko Meskalerok telefonoz utzi didan perla: "Hi, atzo Tolosan ba huan baketak etxean utzi baina armonikaren bila zebilenik". Ederra bota dit! Hasera batean ulergaitza badirudi ere batzuek ulertuko dute.
Gaur bigarren eguna, Show must go on. Aio

Kendu, erantzi mozorroak!

2010-02-12T12:34:00.003+01:00

Bai, ez da aholkurik egokiena zuontzat, inauterizaleontzat, baina begira ostiral mehe honetarako Lacandona oihanetik datorkigun mezua.

Iñauteriak 2010 ( 0 Eguna)

2010-02-11T11:52:00.002+01:00

Badira urte batzuek Ostegun Gizen bezperan gaueko 12etan Tolosako Triangulo plazatik txupinazo alternatiboa edo esaten zaiona botatzen dela. Txaranga baten laguntza ere izaten dute eta goruntz doan ekimena da.
Atzo gauean neroni nintzen tabernan lanean. Gaueko 23:45 zirenean Meskal betea zegoen, baina hamar minutu geroago jendeak ziztu bizian ospa egin zuen; iñauteri gose (edo egarri) izango ziren denak. Gauzak bildu, hozkailuak bete eta etxera bidean aurten lehen aldiz txarangaren doinuak entzun nituen elur maluta finak erortzen ziren bitartean. Momentu bitxia.
Beno atzoko txupinazoa eta gaurkoa ere dagoeneko boteak izango dira beraz hasi dadila festa.
Geroarte.

Lagun handiekin, argazki handia

2010-02-09T09:58:00.003+01:00

Fabi Hanek bitakora osatzen joaten den bitartean, hemen duela hilabete eskas Donostiako Dokan, Deabruak eta Colemans+ festan, Saioa "Gauilunak" argazkilariak atera zigun erretratu ederra. Blog honetako kide denak gaude lagun handiez inguratuta...

Noiz bilduko gara berriro, akaso urte bukaeran, Victoria Eugenia inguruan? Lehenago ezta? Goiburu, zer diozu?

Iñauteriak 2010

2010-02-08T17:45:00.003+01:00

Atarian ditugu jada aurtengo Iñauteriak. Batzuek uste dut Iñauterien bezperan izaten den Kaldereroen eguna ondo probestuak ere badirela.

Ni, aitotzen dut ez naizela inoiz festa hauen oso zalea izan; mozorroak, jende ugari kalean, zarata... pereza latza sortzen dit horrek guztiak. Batzuek horiek adinaren kontuak direla esaten hasi zaizkit, baina hurrutira joan gabe, blogkide ditudanetako zenbait ni baino zaharragoak dira eta gogoko dute hori dena.

Aurtengoan, tabernako lanaz aparte, Iñauteri jaien bitakora moduko zerbait egiteko beta ere hartu nahi nuke, beraz ekin diezaiogun lanari Larunbateko festarekin hasita.

Ijitoz edo mozorrotzen da Tolosan jendea Iñauteri aurreko Larunbatean (egia esan ez nuen mozorro asko ikusi). Meskalen bildu ginen Wim, Meskalero, Goiburu eta Crazy cymbal. Miarritzetik zetozen Deabrutxoak, Egunkariaren aldeko jaialdi batean jotzetik. Garagardoak, pin banaketa, batzuek oraindik jasotzeko zituzten opariak, kristal apurtuak eta beste joan zen gaua. Agian norbait oraino ajea pasa gabe egongo da eta ez diogu sobera lan jarriko irakurtzeko beraz amaitutzat emango dut bitakora honen lehen atala. Laster gehiago.

Aio.

Xelebrekeria

2010-01-29T18:25:00.003+01:00

Bai badakit ez dela inor ausartzen, niri ere kosta egin zait. Post honekin ataritik joango zaigu eta Fauziya... ay, aurpegiaren ederra! Pasarte amniotiko horiek alde batera utzita, bat etorriko zarete Meskalen inguruko xelebrekeria galantarekin. Gutxitan izaten dira kontzertuak Meskalen, eta hara zer nolako oihartzuna hartu duen hedabideetan ostiral honetarako iragarrita zegoena... Zegoena, izan ere bertan behera geratu da asuntu tekniko-burokratikoengatik. Pena bat da. Fauziyarekin amesten jarraituko dugu... honi ere eromena zor diogulako.

Fauziya

2010-01-20T13:22:00.002+01:00

Hainbeste errusiar emakume xarmanten gutun elektronikoak jaso ostean, horietako bati erantzutea erabaki nuen. Ez zitzaidan zaldun jokaera iruditzen ni ezagutu nahi ninduten dama ederretako inori kasurik ez egitea.

Fauziya zuen grazia posta elektronikoak trukatzea aukeratu nuen printzesak, Errusiako Vladimir hirikoa. 29 udaberri zituen, ederra. Ezagutu egin nahi omen ninduen, nitaz idazteko, berak ere erantzungo zidala.

Gutun batzuk trukatu ostean, aurrez aurre ezagutu nahi ninduela erran zidan. Maitemindu egin nuela, neu ere maiteminduta nengoen galdetu zidan, eta horrela izanez gero, nirekin bizitzera etorriko zela berehala. Hegazkin konpainietara joa zuela ordurako, eta aurkitu zuela hegaldi merkea, nahiz eta berak nahikoa dirurik ez ukan txartela erosteko. 300 euro falta zitzaizkiola, utziko al nizkion galdetu zidan azken mezuan.

Aitortu behar dut, igorri zidan argazkia ikusi orduko maitemindu nintzela neu ere, eta hark bidaiaz hitz egin baino aste batzuk lehenago neu hasia nintzela Errusiara joateko planak egiten. Ezustekoa eman nahi nion, Vladimirren azaldu eta telefonoz deitu. Laneko nagusia konbentzitua neukan Errusia gure negozioak hedatzeko leku egokia litzatekeela eta neu arduratuko nintzela hango bideak urratzen.

Azaldu egin behar izan nion, beraz, Fauziyari, prestatua nuen eta dagoeneko ezinezkoa izango zen sorpresa. Izugarri poztuko zela usten nuen, dena den. Ezustekoa hartu nuen haren erantzuna jasotzerakoan; ezetz, ez joateko Errusiara, leku arriskutsua zela atzerritarrentzako, askoz ere errazagoa litzatekeela hura hona etortzea, seguruagoa, eta, gainera, bera ere itota sentitzen zela Errusian, hanka egin nahi zuela, bera salbatuko zuen printzea izan nahi nuen galdegin zidan, eta 300 euroak gogorarazi zizkidan bukaeran, kontu korronte zenbaki bat eta guzti. Beste argazki bat itsatsi zuen mezuan, arnasik gabe geratzeko moduko horietako bat. “Nahiko bazenu, zure nindukezu” zioen.

Odola bor-borka idatzi nion berehala: “Moskurako hegazkina hartzen dut ordubete barru. Bihar goizean Vladimir-ko aireportura iritsiko naiz. Itxaron iezadazu. 300 euro sartu dizkizut kontu korronte horretan, hiriko hotel batean lehen egun parea erreserba diezadazun”.

Orain hemen nago, Vladimirko aireportuan, maletak oinpean. Lau ordu daramatzat Fauziyaren zain. Agertzen denean elkarri emango diogun besarkadaz pentsatzeak arintzen dit itxaronaldia…

Non izango ote naiz ni...

2010-01-15T12:37:00.002+01:00

Non eta nola egongo ote naiz ni hainbat urte barru? Askotan egiten diogu galdera hau geure buruari ezta? Erantzun zaila duen galdera benetan. Nik ez dakit non izango naizen urtebete barru (ezta bi egun barru ere) baina bai non nintzen iazko Urtarrilaren 15ean.

Leidor Sessions diskoaren grabaketa bezpera zen. Bide Ertzeanekoek kontzertua izango zenaren entsegu orokor moduko bat egin zuten Leidorren bertan. Hango butaketan hiru ikusle soil (meskalero, Buckley eta neroni) eta hiruok ikuskizun zoragarriaz gozatzen. Txundituta.

Zorionekoak izan ginen momentu magiko hura bizi ahal izan genuelako, beraz zorionekoak zuek, zorionekoak gu eta zorionak denoi.

Geoffrey Gurrumul Yunupingu

2010-01-12T16:00:00.003+01:00

Batzuetan, nahi gabe, perla bat topatzen duzu; nire kasuan kasualitatea handiagoa da ez baititut ostrak atsegin. Baina duela aste batzuk egin nuen aurkikuntza.

Azken aldian entzun eta entzun ari naizen artista da Gurrumul. Australiako abeslari eta gitarra jotzaile aborigen honek, jaiotzatik itsu denak, bere hizkuntzan abesten du (yolngu). Australian 200-300 hizkuntza aborigen zeuden, baina gehienak desagertu egin dira. Egun 70 hizkuntzak jarraitzen dute bizirik, eta horietako asko ere desagertzear daude: oso gutxik izango dituzte mila hiztun baino gehiago (tiwi, kala lagaw ya, warlpiri, yolngu...). Euskaraz abesteko animoak ematen ditu, ezta?

Bere lehen albuma, eta oraingoz bakarra (Gurrumul, 2008; egunotan entzuten ari naizena hain zuzen ere) 38 urterekin grabatu du –animoak biderkatu egingo zitzaizkizuen, ezta?–. Lehen lan honekin nazioarteko sari ugari irabazi ditu, Best World Music Album besteak beste. Gainera, Gurrumulek dagoeneko kantatu du artista handi batzuekin (Sting, Elton John...).

Ahots bero eta gozoa, egun lasai hauetarako aproposa. Ea gustukua duzuen.

Ostiral honetan, festa Donostiako Dokan

2010-01-04T10:28:00.003+01:00

Duela bi urte, hitza bete eta "1973" diskoarekin itzuli ziren Deabruak Teilatuetan taldekoak. Geroztik kontzertu asko eskaini dituzte. Dokara, unerik gozoenean iritsiko dira. Disko berriko zein disko zaharretako kantuek toki izango dute urtarrilaren 8an eskainiko dute saioan. Arrutik Europa eta Asia partean bidea zabaltzen jarraitzen duen bitartean, Davidek lagunduko gaitu baterian, Donostiko Doka, Azkoitiko Matadeixe eta Bilboko Kafe Antzokiko saioetan. Informazio gehiago: www.deabruakteilatuetan.com

COLEMANS+ lau musikazaleen abentura berria da, baina ez da guztiz ezezaguna. Gonbidatu berezi gisa ariko dira. Crazy Cymbal "Demetradze" (bateria), Toxic Twin 1 "Achinpun" (baxua), Toxic Twin 2 "Dramé" (gitarra eta ahotsa) eta The Voice of the Century "Necati" (gitarra eta ahotsa) musikariek osatzen dute taldea. Euren abestiak entzuteko sartu hemen: www.myspace.com/peiremans

Eguna: urtarrilak 8, ostirala.

Lekua: Doka Kafe Antzokia (Donostia).

Ordua: 20:30.

Sarrera: 6€ aurrez / 8€ bertan.

Urtarrilak 9 larunbata Azkoitiko Matadeixe, 23:00etan.
Urtarrilak 21 osteguna, Bilboko Kafe Antzokian, 21:30ean.

Raising Sand

2009-12-24T11:45:00.003+01:00

Eguberri on denoi, hasteko.

Gaur disko bat proposatu nahi dizuet. 2007an argitaratu bazen ere, 2009ko Grammy sarietan jaun eta jabe izan zen. Batetik, Robert Plant, Led Zeppelin taldeko kantari mitikoa entzungo duzue. Bestetik, niretzat ezezaguna den kantari handi bat, Alison Krauss, bluegrass estiloan handienetakoa omen dena. Eta hirugarrenik, T Bone Burnett gitarrajolea eta ekoizlea (Kakik asko miresten duen artista).

Autoa hartu, CDa jarri eta noraezean ibiltzeko disko ederra: "Killing the blues" abestia, triste jarri nahi dugunerako; "Gone gone gone" dantzan eroen moduan aritzeko.

Spotifyn duzue entzungai (ze ona, inbentoa).

Autokarabana

2009-12-22T10:05:00.002+01:00

Aupa lagunok! Atrebentzia handia ez bada, gaur liburu bat aholkatu nahi nizueke.
Fermin Etxegoienen "Autokarabana". Duela hilabete edo, Egunkariaren aldeko elkarretaratze batean parte hartzera deituak izan ginen musikariak. Han azaldu ginen, Donostiako bulebarrean.

Eminentzia denen artean, Gorka Urbizu eta bere arreba ikusi eta euren ondoan jarri nintzen. Hara sorpresa, Gorkak niretzat liburu bat ekarri zuela oparitan esan zidanean. Aholkatzen dizuedan hauxe. Egilea Berriako kolaboratzailea da, Argian idazten du ere, Gazteako esataria...
Oso gustura irakurri dut. Abiada bizian. Autokritika eta umorea, osagai nagusiak. Seriotasunaren lurralde santu honetan, zinez eskertzekoa.

Gutuna oraindik ez baduzue egin, Olentzerori eskatu. Garaiz zabiltzate!

Seguru al zaudete?

2009-12-18T09:44:00.003+01:00

Seguru al zaudete? Igandekoa aurrera al doa? Eta zuen seme-alabek ba al dakite? Eta zer diote? Penarik ez? Eguberrietan gaudenez, ez al diozue bizitza barkatuko arkume gaixoari? Hain bihotz gabeak ez zarete izango, ezta?

Meskaleroak Sound System

2009-12-02T09:09:00.003+01:00

Disko jartzaileak, prest dagoeneko? Gutxi falta da eta... atzo jakin genuen zuek ere taulagainean aritu behar duzuela. Dantzariak ere ba al datoz? Beyonceri edota Laurari esan, ziur animatuko direla!

Abenduak 12 larunbata 22:30 Andoain Gaztetxea
deabruak teilatuetan + meskaleroak sound system

DESORDUTAN

2009-11-26T18:44:00.003+01:00

EROMENA ZOR DIZUT....
DISKA BERRIAREN AURKEZPENA
AZAROAK 27 OSTIRALA
22:30 BONBERENEAN

Babarrun Astean, garagardo festa

2009-11-25T09:49:00.004+01:00

Babarrun Astea. Larunbata. Giroa pil-pilean Tolosan. Gaueko 21:30ean, Mescalen lau katu. Jendea festa giroan Alde Zaharrean. Gu, ordea, beti kontra. Babarrun festan, garagardoa goratzeko plana egin genuen. Esteban Alemaniako garagardo azokan izan zen irailean. Handik ekarritako 5 litroko kupela batekin azaldu ziren Esteban bera eta Maria. Toxic Twins, aldiz, txerriki ugarirekin, urdaiazpikoa, txorizoa...
Mescalen zeuden lagun batzuk ere animatu ziren azken orduan, eta hortxe mahaia jaso ondorengo erretratua. Ezer ez eta festa!
Jaia borobiltzeko, Alaiaren alaia bota genuen faltan. Osatuko zen honez gero, ezta?

Haizea garizumakoa

2009-11-18T21:18:00.003+01:00

Kaixo adiskideok.

Tabernan bakarrik eta gustora ez naiz ba askotan egoten, baina gaurkoan bai. Ruperren azken diska "Haizea garizumakoa" ari naiz dastazen. Ederra. Brooklyn aldean izan da disko hau grabatzen, gure adiskide Crazy Cymbalen iritziz musikari bikainekin. Estatu batuar hauek Meskalen izanak dira .Aurreko diskaren bat grabatzen Azkareten izan ziren eta handik inguratu ziren gurera.

Halere orain galdera bat datorkit burura: Brooklyngo zaratatik Balerdi azpiko herri lasai (tabernarik ez duen eta ezagutzen ditudan herri bakarrenetarikoa da Azkarate) honetara iritsitakoan zer pentsatu ote zuten?

Aio.

ETORKIZUNEKO MESKALEROAK?

2009-11-18T19:03:00.007+01:00

PAULINA RUBIO ETA COTI ?
AMAIA MONTERO ETA MIKEL ERENTXUN ?

EZ!!!!

ETORKIZUNEKO MESKALEROAK!!!

BONNIE eta CLYDE bezala ez dute bukatuko behintzat....

Garagardo festa gurean

2009-11-18T10:54:00.002+01:00

Non izango den, esan beharrik ez da. Larunbatean 21:00ak aldera elkartuko garela esatearekin nahikoa da, ezta? Guretzat izan arren, besteren bat ere animatzen bada ongi etorria izango da, baina Meskaleroak elkartzeko aitzakia moduan antolatu dugu. Estebanek garagardoa, Toxic Twinsekoak jatekoa, zer gehiago behar da?

Ah! Argazkia ez da Bermeoko ongi etorrikoa. Ez da Esteban zapiaren azpian babesten dena... Sarean aurkitu dudan argazki horietakoa baizik...

LEIDOR SESSIONS BASTERO

2009-11-13T00:06:00.008+01:00

TOXIC TWIN

CRAZY CYMBAL

FRAN ETA BERE AURA

TOXIC DYLAN

La Tierra está Sorda

2009-11-12T23:48:00.007+01:00

091212, the final show!!

2009-11-11T08:47:00.000+01:00

Nire sarrerak?

2009-11-08T21:00:00.007+01:00

Aste honetan zehar Bide Ertzeanekoek egitekoa zuten biratxoaz idatzi nizuen asteazkenean. Ostiralean joaterik ez eta gogoz geratu nintzenez atzo Bergarara joango nintzela esan nion taldekide despistatuenari; baietz joateko berak, utziko zizkidala sarrera pare bat takilan nire izenean.

Egun guztian jasan genuen eguratsa medio joan edo ez zalantza izan nuen azken ordurarte. Iluntzeko 9ak pasatxo zirenean baina autoa hartu eta Bergara bidean nintzen. Deskarga mendateak lehengoan dirau, ilun eta oker. Baina atzo busti ere bai.

Berez aparkatu ezin den lekuan utzi autoa eta takilara zuzendu nintzen. Taldekide despistatuak niretzat utzi dituen sarrerengatik galdegin eta jaso nuen erantzunak ez ninduen harritu. Ahaztu egin zitzaiola alegia. Egia esate aldera gehiago arrituko ninduen uzteaz gogoratu izan balitz. Tira sarrera erosi (goian ageri dena da) eta barnera.

Kotzertua amaitu eta lehenengo gauza ba al dakizue zer esan zidan: "Gaurkoan ere sarrerak ahaztu zaizkidak!".

Tolosara eta Meskalera bueltan ginela nahikoa barre egin genuen sarreren kontura. Esan nien hiru kontzertutatik bitan izan naizela eta bietan ordainduta, eta izan dela bakarrera joan denik eta gonbidatuta. Berdin da batzutan hurrunera joateak eta ordaintzek merezi du.

Aupa zuek.

P.D. Taldekide despistatu hori lasai. Garagardoak ordaintzeaz ez haiz ahazten eta hori ere garrantzitsua duk.

2009-11-06T14:06:00.007+01:00

'Egunkaria libre!' aldarrikatu dute musikariek Donostian

Ruper Ordorika, Benito Lertxundi, Aitor Gorosabel, Xabi Bastida, Andoni Tolosa 'Morau', Rafa Rueda, Mikel Kazalis, Txuma Murugarren, Harkaitz Martinez de San Vicente, Igor Otxoa, Jexux Mari Lopetegi, Imanol Ubeda, Gorka Urbizu eta beste hainbat batu dira gaur 'Egunkaria' auziaren kontrako elkarretaratzean, Bulebarrean. Aste batzuk barru espero dute epaiketa hastea, eta bost auzipetu daude.

Ruper Ordorika, Benito Lertxundi, Aitor Gorosabel eta Xabi Bastida (Su Ta Gar), Andoni Tolosa Morau, Rafa Rueda, Olatz Zugasti, Mikel Kazalis (Anestesia), Txuma Murugarren, Harkaitz Martinez de San Vicente eta Igor Otxoa (Oreka Tx), Jexux Mari Lopetegi, Imanol Ubeda (Bide Ertzean), Gorka Urbizu (Berri Txarrak), Mikel Moreno (Kauta), Aritz Sound System, Anjel Valdes (Elkar diskoetxea), Ubane Uzin eta Jose Felix Azkarate Xarra (Gaztelupeko Hotsak diskoetxea), Ritxi Aizpuru (Baga-Biga diskoetxea) eta beste hainbat izan dira gaur Donostian, Egunkaria-ren epaiketaren aurkako elkarretaratzean.

Egunkaria libre! lelopean egin dute bilkura, Bulebarrean, 12:00etatik aurrera. Auzipetuak ere bertan izan dira, baita beste hainbat lagun ere; tartean, Iñaki Uria, Martxelo Otamendi eta Joan Mari Torrealdai auzipetuak. Joanmari Larrarte EKTko kontseilari ordezkaria ere han zen.Azkeneko asteetan euskal zinemako hainbat lagunek, kirolariek, politikariek, bertsolariek, idazleek eta argitaletxeetako ordezkariek egin dituzte auziaren kontrako elkarretaratzeak.
Bost auzipetu
Egunkaria auzian kazetaren itxierari buruzko epaiketa aste batzuk barru hastea espero dute, Espainiako Auzitegi Nazionalean, eta Joan Mari Torrealdai, Iñaki Uria, Martxelo Otamendi, Txema Auzmendi eta Xabier Oleaga daude auzipetuta, ETAko kide izatea egotzita. Fiskalak, defentsak bezala, auzia ixteko eskatu zuen. Epaiketaren hasiera eguna jartzeke dago oraindik.
Joan Mari Torrealdai. 14 urteko espetxealdia eta 15 urteko inhabilitazioa eskatu dute haren aurka.
Iñaki Uria. 14 urteko espetxealdia eta 15 urteko inhabilitazioa.
Txema Auzmendi. 14 urteko espetxealdia eta 15 urteko inhabilitazioa.
Martxelo Otamendi. 14 urteko espetxealdia eta 15 urteko inhabilitazioa.
Xabier Oleaga. 12 urteko espetxealdia eta 14 urteko inhabilitazioa (14 urte, AVTren eskaeran).

Egunkaria-ko langile izandakoak epaiketa prestatzen dabiltza, gizartea mobilizatzeko. Herri batzordeak sustatzen ari dira, epaiketarako dirua biltzen, mobilizazioak antolatzen...

2003ko otsailaren 20an itxi zuten 'Egunkaria'
2003ko otsailaren 20an, Juan del Olmo Espainiako Auzitegi Nazionaleko epailearen aginduz, Guardia Zibilak Egunkaria euskarazko egunkariaren egoitzak itxi eta hamar lagun atxilotu zituen: Joan Mari Torrealdai, Iñaki Uria, Txema Auzmendi, Martxelo Otamendi, Pello Zubiria, Xabier Oleaga, Xabier Alegria, Fermin Lazkano, Luis Goia (2006an hil zen), eta Inma Gomila.

Uriak, Oleagak, Otamendik, Alegriak eta Auzmendik torturak eta tratu txarrak jaso zituztela salatu zuten epailearen aurrean. Seiek jarri zuten salaketa, eta guztiak artxibatuta daude.
© berria.info

Aupa joni!

2009-11-04T21:28:00.002+01:00

Astearte gauez Bilbo aldera joan ginen Bide Ertzean ikustera taberna itxita zegoela eta gure etxekoandreak jai zuela probestuz. Inoiz izan gabea nintzen Kafe Antzokian gustatu zitzaidan aretoa eta bertan zegoen giroa.
Antzokira sartu eta berehala Kakirekin egin genuen topo, elkar agurtu, eta abixatu zidan kontzertuaren nondik narakoaz: "Estudioan entseatu ditek atzo eta gaur eta kañero zetozek" bota zuen; baita asmatu ere.
Zein da bidea izan zen lehen kantua, Jonik egin beharreko soloaren zatia iritsi zenean Imak "aupa Joni" bota zion (Bide Ertzeanen jarraitzaile garenok badakigu ohiko oihua dela hau nahiz eta DVDan ez esan) eta sumatu nuen egurra emango zutela. Esan eta izan, sekulako astindua izan zen. Karlosek astidu zuen bai bere Pearl bateria. Gero esan zigun erdi gaixorik zegoela baina hura zen hura jo beharra!
Kontzertua amaitu, adiskideak agurtu eta diskak sinatu ta sinatu utzi genituen taldekideak.
Asteburu honetan Andoain eta Bergarara gerturatzen zaretenok prestatu Leideor Sessionsetik desberdin baina eder izango den kontzertu bat ikusteko.

Norah Jones

2009-11-04T14:04:00.002+01:00

Egunotan entzuten ari naizen artista da. Azaroaren 17an kaleratuko du The Fall azken lana, eta El País-en webgunean (http://www.elpais.com/especial/norah-jones/) abesti guztiak osorik entzuteko aukera dago —ez dakit noiz arte—, Ez da asko entzun dudan artista, baina azken lan honekin berriro harengana hurbiltzen hasi naiz. Entzun ezazue eta hitz egingo dugu.
www.norahjones.com webgunetik The Fall-en abesti bat jaitsi daiteke Chasing pirates hain zuzen ere. Abesti egokia Bermeo inguruetan entzuteko.

Daiquiri blues

2009-11-01T16:51:00.003+01:00

Aurreko batean aipatzen nuen nola Vetusta Morla ikusten izan ginela gutako hiru. Kontzeruak merezi izan zuela ere bai, baina gaurkoan Donostiatik etxerakoan gertaturikoa azaldu nahiko nuke.

Normalean Kontzertu baten ondoren, ikusi berri dugun taldea izten dugu mintzagai. Taldea zein taldekideak. Jotzeko era, jarrera... Ostegunean ordea itzulerakoan gutxi hitzegin genuen Vetusta Morlataz. Quique Gonzalez izan genuen aipagai, izan ere asteon eman du argitara Daiquiri Blues bere azken lana.

Autoan hiru Quiquezale amorratu elkartu ginen. CD erosi berria musika aparailuan, ez genuen deus gehiago behar.

"Niretzat bigarren kantua duk onena", "Niretzat hamaikagarrena", "Ba niretzat Quiqueren diskorik bikainena", "Nik hori esateko berriro entzun beharko nikek" horrela egin genuen itzulerakoa.

Ostegunaz geroztik eginak dituk makina bat kilometro autoan eta Daiquiri Blues izan dut bidaide beraz pasa ditugu hamaika ordu elkarrekin eta esateko moduan nago zoragarriak direla abestiak osotasunean, hitzak satiraz beteak eta soinua apartekoa.

Zuen iritziaren zain... Aio.

Vetusta Morla

2009-10-30T12:06:00.003+01:00

Atzo iluntzean Donostiako Victoria Eugenia antzokian izan ginen Win, Goiburu eta hiruok. Gustora ikusi genuen egun Espainia aldean nabarmentzen ari den Vetusta Morla talde madrildarra. Jendea gustora, taldekideak dena emanez... giro polita sortu zen. Kontzertuaren amaieran, baina ,bisen garaian, sekulako sorpresa eskaini ziguten taldeko abeslariak eta gitarrajoleak izan ere eskenatokiaren ertzera gerturatu eta kitarra akustiko eta ahots soilez, mikrorik eta anplifikadorerik gabe abesti bat eskaini ziguten era oso soilean. 13 arrosa gorriak gogorarazten zidan.
Hau dena ikusita galdera bat etorri zitzaidan burura; Leidor Sessions ikusi ote dute Vetustakoek?

Dock Of The Bay 2009

2009-10-30T11:09:00.002+01:00

Dock Of The Bay 2009 musika/zinema jaialdia:
http://www.loveof74.es/weblog/sin-categoria/dock-of-the-bay-2009-programacion-completa/
Egitarau osoa / Bide Ertzean azaroak 27 ostirala Donostia

Coffee and cigarettes, Leidor and Meskal

2009-10-26T08:16:00.001+01:00

Jim Jarmusch handiaren filmografian harribitxia da “Coffe and cigarrettes”. Collage moduko filmean egoera bitxi ugari aurki daitezke. Istorio horietan guztietan, izenburuak biltzen duen bezala, bi osagaiak zigarroak eta kafea dira.

Gurera etorriz, asteburuko gertaerekin filma egingo bagenu, “Leidor and Meskal” izenburua ipiniko genioke. Eta hortik aurrera, bakoitzaren istorioarekin pasarte bana. Hona, nirea:
Meskalen gautxoriak afaltzeko plana egiten ari dira. Ez da nire aukera, ohean sartzea besterik ez dudalako buruan. Larunbata da. Bezperako festa, lo falta, eguerdiko korrika saioa eta arratsaldeko entsegua… pott eginda nago. Joan aurretik ordea, Meskalen dagoen PC-a eskatu dut. Wi-fi dagoenez geroztik, Internet sarean sartzen naiz tarteka. Fabi Hanek ordenagailua bateria gutxirekin dagoen abixua eman dit. Ez dut atzera egin. Jasotako mezuen artean, Lista izenburu duen bat dago. Jarraitzaile batek bidalitakoa da. Mezuan aipatzen dit Internet sarean badagoela zerrenda bat “personas que apoyan a ETA” izenburukoa eta ohartarazi dit zerrenda horretan nire izena agertzen dela. Hura irakurtzean aurpegiaren kolorea aldatu zait. Clint Eastwood-ek Gran Torinon egin bezala ”-Agrhhhhh!” egin dut, erretxinduta. Googlen bilaketan hasi eta ttak! PC-aren bateria agortu da. ”- Agrhhhhh!” egin dut berriro, are erretxinduago.
Lagunak agurtu eta etxerako bidea egin dut, petralduta erabat.

Etxera iritsi eta beste ezustea. Oparia zain nuen, kutxa handi batetan bilduta. Kutxan honako esaldia: “Lampara declaración de amor”. Eta kutxak zer gordetzen zuen bere baitan? Irudian ikusten ari zarete…

Coffee and cigarettes filmean Tom Waitsek eta Iggy Popek duten aurpegi berarekin nagoela esango nuke. Txepela ni! Ez dut tutik ere ulertzen. Nola da posible hain denbora tarte txikian, bata bestearen atzetik, horrelako egoera xelebreak pairatzea.

Niri gertaturikoak irri egiteko balio dezala; pentsatu eta egin. Sms bidez Mescaleko gautxoriei argazkia bidali diet, honako mezuarekin: “Hauxe da egin didaten oparia. A ze egun arraroa, ohera noa”.

Zorretan gu gaude

2009-10-24T17:37:00.003+02:00

Lasai Win lasai, gure etxekoandreari ez diok ezer zor eta! Izatez agian geronek edukiko diagu Bide Ertzeanekoekin zorren bat. Zuen kontura pintxojan ederra egin genian, eta horrek elkar ia zerikusirik ez dugun eta adinez oso desberdin garen zenbaitekin (uste dut Meskalera engantxatuak egotearena dugu lotura nagusia) giro ederra sortzeko balio izan zigunez, GORA ZUEK, GORA GU, ETA GORA GUTARRAK. Zorionekoak gu.

100, 22,... 2

2009-10-21T09:34:00.004+02:00

"Literaturaren bideak etorkizunean" hizpide izaten ari da Euskal Herriko hiriburu guztietan, editore eta idazleen parte hartzearekin. 111 Akademiaren ideia izan da, eskertu behar zaiona. Zer pentsatua eman beharko luke ere musikak daraman bidea. Meskaleroen erreinuan musika bere horretan hor dagoen elementua da, ezinbestean. Besteak beste, horrek lotzen gaituela esango nuke.
Gu guztion artean taulagainera igotzen garenok azken asteetan egoera bitxiaren aurrean aurkitu gara. Astebeteko epean, gertuko eta ez hain gertuko taldeak gerturatu zaizkigu eskaini behar ditugun hurrengo emanaldietan haiei ere lekua egin diezaiogun erregutuz.
Hau da hau musika emanaldiak daraman bidea, martxa. Nago, talde berriei aukera ematerako orduan, lausotu egin dela bidea. Sasiz beterik balitz bezala. Non jo ez izate hori etsigarria da, zinez. Zer pentsatua ematen duena.
Hamairu-hamalau urte atzera eginez, talde batek "maketa" kalean jarri eta eskualdetik haratago jotzeko aukera zuen. Ez da hori gertatzen orain. Eta arrazoiak ez dira erraz konpontzekoak: Taberna edo aretoetako eragileek musikaren alde apostu egiteko geroz eta araudi zorrotzagoa daukate. Eta, bestalde, ikusleen aldetik talde berri baten doinuak entzuteko geroz eta joera gutxiago dago.
Bestelako joerak nagusitzen ari dira. Badirudi, zuzenekoak garrantzia galdu duen aroan sartu garela. Pause, play, control z eta reset-en garaian bizi garela, alegia. Pizza mikrouhin aparailuan erretzen ari den bitartean.

Ikasteko inoiz ez omen da berandu

2009-10-14T21:26:00.001+02:00

Azken asteetan izan dugu nahikoa eztabaida tabernan ikasketak direla eta ez direla, izan ere lan munduan zeharo murgilduak dauden zenbait bezero (batzuek 30 urtetik gorakoak) berriro ikasmahaietan esertzera ausartu dira.
Hauteraiko batzuek Uned edo distantziazko unibertsitatean eman dute izena. Ikaskeketa modu honekin klaserik ez dago, temarioa kurtso haseran ematen dute, eta nahi izanez gero larunbatetan tutoritzak dauzkazu eskura; bertan gai horretako irakaslea zalantzak argitzeaz eta arduratzen da.
Badira Hizkuntza Eskola Ofizialean hasiak ere. Hauetako zentru bat ireki zuten Tolosan iazko irailean, eta jada Donostiara joan beharrik ez dagoenez Ingelesa eta Frantsesa ikasteari gogoz ekin diete.
Niri honek inbidia punttu bat ere sortu dit. Inbidia eta zer pentsatua. Agian meskalerook oraindik garaiz gaude gure burmuina informazioz betetzeko. Halere uste dut nireak gutxienez atea aspaldian itxia daukala.
Gogoa behar da gero lanetik irten eta aula batean sartzeko beraz nire aldetik behintzat animoak beraiei. Eutsi goiari.

Urriaren 23an Tolosa

2009-10-10T10:23:00.001+02:00

Urriaren 23an Tolosako Leidor antzokian eskainiko da Leidor Sessions, doako proiekzio bidez. 20:30tan hasita.

Leidorren bertan "Leidor Sessions" emanaldia urriaren 23an

2009-10-09T17:54:00.002+02:00

Meskalerook, hamabost egun barru, 2009ko urtarrilaren 16an bizi izandakoa berreskuratuko dugu hein handi batean. Astotxoa gaur Leidorren izan da probak egiten, eta irudian ikusten duzuenez, Karlosek taulagainetik pantailara salto egin du! Horrela biziberrituko dugu Leidor Sessions emanaldia, eslerkuetatik.
Urriaren 23an 20:30etik aurrera berriz elkartuko gara, meskaleroak eta lagunak, orain bederatzi hilabete hasitako gau zoragarriari segida eman asmoz. Bai horixe, gauak luze jo dezakeelako. Leidorren, lehenik, eta Meskalen, ondoren.

"Ez obeditu inori"

2009-10-09T09:09:00.004+02:00

Duela egun batzuk, Fabi Han-ek liburu ederra aipatu zuen txoko honetan. Irakurri dudan azkena ere, nabarmentzeko modukoa dela esango nuke. Mikel Peruarenaren "Ez obeditu inori".

Kontakizuna, antolatuta dagoen moduan, bitxia da oso. Eta kontatzen dena ere, interesgarria oso. XIX. mende bukaerako Donostialdea irudikatzen da, Kubako gerraren itzala, anarkisten ibilerak, bertso paperen garaia, inprentaren garrantzia... Hori dena, Honher harmonika baten errritmora.

Joan al zarete zinemara aspaldi honetan?

2009-10-07T11:10:00.002+02:00

Aukeran, nahiago urriaren 23an Leidorren dugun hitzordua.

'Non dira?' II?

2009-10-02T13:21:00.002+02:00

La tierra está sorda izango du izenburutzat Barricada talde iruindarraren lan berrienak. Luis Cernuda poeta espainiarraren olerki batetik ateratako esaldia da, eta kantu guztiak Espainiako 36ko gerrari buruzkoak dira. Hiru urtez prestaturiko lana izango da, 18 kantu berrik osaturikoa. CDaz gain, liburuxka bat ere banatuko dute, 184 orrikoa. Azaroaren 3an jarriko dute salgai lana.

La Banda Del Jefe Bigun

2009-10-01T18:33:00.004+02:00

Meskalero batzuen lagunak eta espero dugu ostirala eta gero meskalero guztien lagun izango direlakoan. Beraien aurkezpen txartela zera dio:

ESTE GRUPO SOLO TIENE UN OBJETIVO:
PASARLO BIEN, TANTO NOSOTROS COMO LOS QUE NOS VEN.
COMO DECIAN EN EL EQUIPO A:
"Si busca una fiesta rockera de verdad y quiere disfrutar, quizas tenga suerte y pueda contratarlos" !!
MI ROLLO ES EL ROCK!!

Gonbitea luzatuta dago, hitz ordua Iruran Urriak 2 gaueko 00:00.

Zulo bat uretan

2009-09-30T18:09:00.003+02:00

Bi motibo ditut gaurkoan Iñigo Aranbarri ahotan hartuta etortzeko; batetik Bide Ertzean taldeak gaur aurkeztu duen DVDan ageri delako taldearen inguruko azalpen oso interesgarriak esanez gainera, eta bestetik Euskadi Literatur Sariko finalista izateari uko egin diolako. DVDaz aurrerago hitz egingo dugu, beraz liburua izango dugu aipagai.

Zulo bat uretan (Susa 2008) iaz eman zen argitara, baina nigana uda hasieran-edo iritsi zen besteak beste literatur aholkulari ere badudan Bukcley-k utzita (lasai, hi, laster itzuliko diat eta). Aitortuko dizuet bi aldiz ekin niola liburua irakurtzeari. Lehenegoan ez ninduen engantxatu. Hilabetez edo alboratuta izan ondoren, berriz ekin nion. Nola ekin gainera, di-da batean hasi eta buka egin bainuen. Aitortzen dut, gainera, zatirik handiena blogkideok ederki ezagutzen dugun tabernako txoko preziatuan irakurri nuela. Hasieran hizkuntzarekin-eta lan apur bat eman zidan baina halere benetan gomendagarria liburua. Asmatu huan, Buckley, bai horixe.

Oraingoan baina Euskadi Literatura sarietarako finalista izateari uko egin diolako agertu da prentsan. Izan ere Iñigo Aranbarrik "Utikan" delako manifestua sinatu zuen non zalantzan jartzen diren Jaurlaritzak sariok emateko duen irizpidea.

Kontuak kontu, liburuak merezi du. Ea zuek ere gustoko duzuen.

Aio.

Pause

2009-09-29T18:18:00.000+02:00

Etxeko mikrohuin aparailuak bereak egin zituen, martxan jartzeko modurik ez zegoen. Kostata bere tokitik atera eta dendara eraman nuen, itxaropen handirik gabe. Deia jaso nuen ordu batzuetara, primeran zebilela esanez. Arazorik gabe funtzionatzen zuela. Dendariak telefonoz bestaldean zera esaten zidan: “Aparailu elektronikoak zenbaitetan blokeatu egiten direnez, itzali-piztu eragiketa sinple horrekin berriro martxan jartzen dira”. Arranopola! Deja vú modukoa izan nuen orduan. Internet sarea blokeatzen denean nik horixe egiten dut ba! Nolatan ez nuen burutapen hori izan aparailua etxetik atera aurretik, horixe pentsatuz eskegi nuen telefonoa.

Teknologiaz tutik ere ulertzen ez dugunok, logika sinple horrekin gainditzen dugu trantzea: itzali-piztu. Sofistikazioaren aldrebeskeriak. Eta bide batez, teknologiaz deus ez ulertzen jarraitzeko esperientziak. Mikrohuinena eta Internet sarearena biak ala biak kasu beretsuak eta, sikiera, soluzio merkearekin konpontzen direnak.

Eta pentsatzen jarrita, niretzako ere nahiko nuke aldrebeskeria hori egiteko aukera izatea. Blokeo egoera horietarako hain soluzio sinplea eskura izatea. Etxeko mikrohuin aparailuak bezala, itzali-piztu. Eta ezer gertatu ez balitz bezala, aurrera.

Horixe pentsatzen ari nintzen lehengoan anaiarekin batera Leitzaran bailaratik behera korrika Andoain aldera nentorrela. Nori ez zaio barrenean pause, stop egiteko gogo hori esnatu hainbat egoeren aurrean? Aste hauetan iluntze aldera korrika dabilen jende kopurua handitzen ari da. Gehienak ere Behobiara begira. Eta nik bezalaxe, gogor eutsiko diote pausoari. Pausoari eta pause egiteko tentazioari. Animo!

Egunkaria, libre!

2009-09-28T18:50:00.003+02:00

Zer esan lehendik esan ez dena Egunkaria auziaz? Zer esan. Estatu arrazoi bihurtua dela dagoeneko, eta horregatik okerrena espero behar dugula, ez justizia. Justiziak Egunkaria libre esan nahi duelako eta horrelako gehiegikeriarik inoiz gehiago egin ez dadin Estatuari zigor eredugarria ere bai.
Zer esan epaiketa hasteko hilabete geratzen den une honetan? Herritar guztien babesa, laguntza, indarra eta elkartasuna beharko dutela auzipetuek. Laguntza ekonomikoa ere bai, kontuak enbargatuta dituzte auzipetuek, eta hein handi batean Egunkariako langile ohien artean sei urteotan hilero jartzen aritu garen poltsari esker aurre egin izan diote auzibideak eragindako gastuei. Bonoak eta elastikoak (hau oraingoz bidean baina laster eskuragarri) dauzkagu salgai, auzibideak une honetan kostu ekonomiko itzela eragingo dietelako auzipetuei eta haien senide eta lagunei.
Langile ohiek batzorde bat daukagu martxan, ekimenak eta bestelakoak koordinatzeko (herri batzordeak, eskualdeetakoak, informazioa,…). Denboraz urri eta jendez ere ez gabiltza soberan.
Egunkariarekin lotura izan zenutenoi ere dei egingo zaizue (Kultura, kirola…) bat egin dezazuen. Egunkariaren aldeko ekimen pertsonalak ere ongi etorriak izango dira (okurritzen zait, apika, toxkikook zuen agerraldietan gogoratzea duela hamar urte sortu zinetenean euskarazko egunkari bakarrak emandako laguntza zuek ezagutarazten…).
Tira, ikusten duzue ez da nire ohiko testu bat. Urgentziak eskatutakotik gehiago du. Aurrerago agian…

Mila esker aunitz lagunok

2009-09-28T17:36:00.003+02:00

Meskaleroak zeresan handia izan zuten "Leidor Sessions" diskoaren grabazioan, Bide Ertzeanek asteazken honetan prentsaurrekoan aurkeztuko duen zuzeneko CD-DVDan.

Irudi eder asko daude DVDan. Hau ez duzue topatuko, ordea. Eta hau ere ederra da.

Argazki eta lerro hauen bitartez, mila esker aunitz Meskaleroei, Bide Ertzeaneko kide guztien partez. Zuena ere bada lan berriaren puska handi bat.

2009-09-27T21:10:00.002+02:00

Bai, badakit garaipenik haundiena Cadel Evansek lortu duela, eta merezi zuela horrelakorik; baina ni bi izenekin geratzen naiz batipat aurtengo txirrindularitzako munduko txapelketari dagokionez: Fabian Cancellara (nire tokaioa) eta Romain Sicard hazpandarra.

Ostiralean beste erakustaldi bat eman zuen suitzarrak. Ikusgarria suertatzen da Cancellara erlojupekoetarako txirrindaren gainean jartzen denean, bat direla dirudite bizikletak eta berak. Txiki utzi zituen denak.

Romain Sicard izan da beste garaileetako bat. Honek ere erakustaldia eman zuen. Zirkuitoan zeuden bi igoeretan aldatz gora hoberena zela argi utzi zuen hurrengo urtean Euskatel-Euskadiko txirrindulari izango den 21urteko Euskaldunak.

Zorionak bioi.

Martxaundi

2009-09-25T22:44:00.002+02:00

Asteburuak itzal luzea utzi du eta hortxe joan zaigu astea arralde, erreala eta beste hainbat kontuetan. Eta niri, lagunok, Martxaundi ekimenaz hitz egitea ahaztu. Ekimeneko 8 talde trianguloan taularatu ziren aurreko ostiralean, 22:10etan hasita eta 02:ooak arte. Manu militari ibili zen astotxoa, leidorreko hirukote phantastikoa urtarrilean bezala. Ondo joan zen gaua, eta aspaldiko garai eder haiek gogora ekarri genituen bertan izandako batzuk. Martxaundi eskualdeko talde euskaldunen abesti berrien konpilazioa da, askorentzat grabazio txukuna egiteko lehen aukera. Martxaundi azken 16 urteetan, abian jarri den bakoitzeko giro eta konplizitate polita sortu da partaideen artean. Hortxe zebiltzan heavyak, punkiak, metaleroak eta martzianoak hizketan, "hau aurrera atera beharra zagok" edota "ea kontzertu gehiago egiten dizkiagun" esanez. Galtzaundik egiten duen ekimena kultura eta euskara bera prestigiatzeko ideia polita dela deritzot.
meskaletik ari naiz, garagardoa hartzen jarraituko dut xabi express eta toxic twin anaiarekin. Zaindu!
meskalero, irurako kroniken zain gatxeudek! Buckley bonoa erosi diagu, hitz egin ezak hurrengoan egunkaria aferaz. Hire maisutasun horrekin. Torrealdai eta lagunak, zuekin gaude!

Ez !

2009-09-21T23:20:00.001+02:00

Gure Imanol

2009-09-21T17:25:00.004+02:00

Ostegun gaua, Meskal taberna, bada gurean begirada guztiak bereganatzen dituen norbait; eta ez, ez zen Toxic twins taldeko inor, ezta Crazy cymbal ere. Azkenaldian errealzaleon (uste dut athleticen zaleren bat ere badela gurean, zorionekoak zuek...) itxaropen egarria asetzen ari den jokalaria zen: Imanol Agirretxe.

Lasai ederrean zegoen bere (gure) adiskide Bambinarekin berriketan errealaren bi jarraitzaile sutsu gerturatu zitzaizkion arte. Atzo Gironaren aurka ez dakit, baina lehengoan egin zuen regatea Leo Messi berak ere sinatuko zukeen.

Gure animoak bai, horiek bai eskertu zituen, horregatik sartu zituen atzokoan bi gol. Aupa hi!

Berrian irakurritakoa

2009-09-21T13:14:00.003+02:00

Igande goiza. Lo hartu ezinik eta gora. Gosarian, kafea mahai gainean eta Berria eskuetan. 15.orrialdean aurkitu nuen eguna alaitu ninduen albistetxoa: "Ekimen faltsu bat debekatzeko eskatu dute", tituluan.
Eta testuan, zera: MADRIL. Zeanuriko «Arralde mendiko presoen aldeko ekimena» debekatzeko eskatu dio Dignidad y Justicia elkarteak Baltasar Garzon epaileari. Asteazkenean jarri zuten elkartasun eguneko kartela, www.askatu.org webgunean. Bertan, Arralde herria aipatzen da, eta Goenkale telesaileko hiru aktore agertzen dira; salaketa jarri duen elkartearen arabera, «presoak» dira.
Bikaina! Lastima Wyomingek ere euskal auzian hanka barruraino sartzen duela. Bestela, bere programarako aproposa da euskal herritar batzuk justiziari-poliziari-ultraeskuindar antolatuari egin dieten irria.
Egoerarik beltzenean ere aurkariari iskin egiteko joera hori miresgarria da. Muniain asko dago Euskal Herrian. Zorionez.

Iraila bukaera gogorra

2009-09-18T21:35:00.005+02:00

Oporretako buelta benetan gogorra aurtengoa, batzuentzat behintzat, agian hilabete hasiera ez hainbestekoa ,baina a zer bukaera datorkiguna denoi.
Asteburu honetan gure Deabruak Teilatuetan eskoriatzan Berri Txarrak taldeareakin batera jaialdi izugarria, agian hurrengo proposamena "Payola" beraien azken diska, oraindik ez dugu izan gure artean beraz beste baterako utzi behar.
Jaialdia nahiko ez eta Meskaletik 300 metrotara Garagardo Azoka.
Hurrengo asteburuan berriz Iruran San Migelak. Bertatik bi asteburutarako proposamenak, ostirala 25 Joselu Anaiak, iralak 26 Bonberenea Txaranga , Bongo Botrako (reggae, ska, rumba, punk eta cachondeopadre ) talde kataluniarra eta Betagarri talde Arabarra, irailak 2o Erramun Martirikorena eta Mikel Markez, urriak 2 La banda del jefe Bigun (Rock & Roll)nafarrak eta amaitzeko urriak 3 Kale animazio saio interesgarria non sua , dantza eta perkusioa batutzen duten Les Diables de Canovelles talde kataluniarrarekin eta bukatzeko dantzaldia Trikizio taldearekin, beraz badakizue, kabia uzteko eta gure herrira urbiltzeko aukera paregabea. hori dena gutxi ez balitz igande horretan bertan urriaren 4 donostian Kilometroak jaia ospatuko da Gros auzoan, Zurriola aldean.

Beraz lagunak Iraila bukaera gogorra eta urria ere esan bezala ustez behintzat badirudi ekintza beterik datorrela.

Gaurko proposamena (2)

2009-09-17T17:40:00.003+02:00

Kaixo koadrila.

Duela pare bat aste ekin genion tabernan gustora entzuten ari ginen musika zuei proposatzeari, eta gaurkoan ere badut zer eskaini. Egia esate aldera disko honen berri blogkide dudan Winen bitartez izan nuen, beraz eskerrak berari.

Pete Yorn (New Jersey 1974)eta Scarlett Johansson (New York 1984)bikoak dakarkigun "Break Up" diskoa aurkeztera nator. Disko honetan batipat country doinuak jorratzen dituzte, eta aipagarria da oraino zine mundutik ezagutzen genuen (Woody Allenen musatzat dute) Scarlett Johanssonen ahots goxoa. Pete Yorn berriz azken urteetan jario oparoa izan duen egilea da, izan ere, estudioko bost eta zuzeneko bi lan argitaratu ditu 2000. urtetik hona.

Gustokoa izango duzuelakoan aio.

Hurrengo hitzordua, Meskal-Leidor

2009-09-16T08:56:00.003+02:00

Eskoriatzara joateko ahaleginak ez du hutsik egin. Meskaleroak hor aritu dira, jendeari bidaia erraztu asmoz lanean. Busa osatzeko nahikoa jende bildu ez denez, bertan behera geratu da bidaia-proposamena. Hurrengo batean izango da! Meskaleroak Bodegara joaten garenean akaso... Orduan garraiobidea bost plazakoa izango da, esango nuke beraz sold out izango dela. Jendea kanpoan geratuko da. Zinez sentituko dugula...
Garraioaren beharrik ez da izango hurrengo hitzorduan: Meskal-Leidor elkar lotuko ditugu urriaren 23an, 20:30tan eskainiko baita "Leidor Session" bide ertzeanen DVDa Leidor antzokian. Animo lagunok, festa polita zain dugu.

Berri Txarrak eta Deabruak Teilatuetan larunbat honetan

2009-09-04T19:15:00.002+02:00

Meskaleroek animatzen zaituztete:

Irailak 19, larunbata. Eskoriatza.
Berri Txarrak + Deabruak Teilatuetan zuzenean

Udako irakurtaldia

2009-09-04T18:55:00.004+02:00

Udan Morellan nintzela "La Nevera" herriko tabernarekin topo egin genuen. Toki horretan bertan ikusgai dago XIX. mendean lurpean eraikitako 9 metroko zabaleradun eremua. Neguan elur biltegia zen, izozkailu artesanala, jakiak hotz iraunarazteko herritarren artean partitzeko gero.
Udal taberna zen, gazte bikote baten ardurapean. Liburutegi polita zuten denen eskuragarri: ekologismoa, feminismoa, mendizaletasuna... atal ezberdinetan banaturik zegoen.
Jateko, bertako produktu ekologikoak. Eta edateko, bidezko merkataritzatik lortutako kafea eta infusioak.
Taberna hartan sesio ederra eman genuen irakurtzen. Eta neroni oso gustura aritu nintzen irudian agertzen den liburua irakurtzen. Arina, erraza eta atsegina. Meritu handikoa, ekonomia arrotza zaigunarentzat liburu ulergarria idaztea!
Biharamunean handik igaro ginen berriro. "Into the wild" diskoa entzuten zen, eddie vedder pearl jam kantariaren bakarkako lana. esandako guztiarekin, argi da go leku gomendagarria dela Morellako La Nevera taberna.
Bide batez, udazken honetan meskalen asteko diskoa izango al da "Into the wild"? Filma ere oso ona dela esan didate.

Egia galanta

2009-09-02T20:01:00.003+02:00

Toxic 1 eta 2 uda hasieran Leon aldean izan ziren asteburu pasa. Korrika saio batzuk egin, hiriburu ederrean barrena ibili... plan polita. Lehen korrika saioan, irudian ikusten ari zareten karteltxoa topatu genuen. Eta hori egia galanta! Handik ordu batzutara busa hartzeko toki beretik igaro ginen, eta ezin argazkia atera gabe alde egin. "–Solo sabemos construir", nahita ere ezin daiteke espainiarren erradiografia hobeagorik egin! Zakilixut handiari bidaliko nioke argazkia "-Tumatxa!" esaldia eransteko.